ໃນກອງປະຊຸມວຽກງານຄົມມະນາຄົມແລະຂົນສົ່ງເຂດຕິເບດຂອງຈີນທີ່ຈັດຂຶ້ນໃນຕອນເຊົ້າຂອງວັນທີ 3 ມີນານີ້, ທ່ານສູເວີນສຽງ, ຫົວໜ້າພະແນກຄົມມະນາຄົມແລະຂົນສົ່ງເຂດຕິເບດແນະນຳໃຫ້ຮູ້ວ່າ: ໃນໄລຍະປະຕິບັດ“ແຜນພັດທະນາເສດຖະກິດສັງຄົມ 5 ປີຄັ້ງທີ 13”, ທາງຫຼວງຢູ່ເຂດຕິເບດຂອງຈີນມີຄວາມຍາວທັງໝົດ 118.800 ກິໂລແມັດ ເຊິ່ງໄດ້ສ້າງຜົນງານທີ່ດີເດັ່ນຢູ່ເທິງພູພຽງ ຄືທາງຫຼວງໄດ້ເພີ່ມຂຶ້ນ 8.100 ກິໂລແມັດໂດຍສະເລ່ຍຕໍ່ປີ, ໄດ້ຊ່ວຍເຮັດໃຫ້ຄົມມະນາຄົມທາງຫຼວງໃນເບື້ອງຕົ້ນມີໂຄງສ້າງທີ່ເໝາສົມ ແລະມີບົດບາດທີ່ຄົບຖ້ວນ, ຄວາມສາມາດໃນການຮັບມືກັບໄພພິບັດທຳມະຊາດທີ່ຮ້າຍແຮງ ແລະກໍລະນີສຸກເສີນ ໄດ້ຮັບການຍົກສູງຂຶ້ນຢ່າງຫຼວງຫຼາຍ.
ເມື່ອຮອດປີ 2025, ເຂດຕິເບດຈະພະຍາຍາມເຮັດໃຫ້ທາງຫຼວງມີຄວາມຍາວຫຼາຍກວ່າ 120.000 ກິໂລແມັດ ແລະທາງດ່ວນມີລວງຍາວທັງໝົດຫຼາຍກວ່າ 1300 ກິໂລແມັດ, ຊ່ວຍເຮັດໃຫ້ລະບົບຄົມມະນາຄົມຂົນສົ່ງສັງລວມ “ມີຄວາມສະດວກ, ເຊື່ອຈອດກັນ, ຊົມໃຊ້ຮ່ວມກັນ, ມີການຮັບປະກັນຢ່າງເຂັ້ມແຂງ”ໂດຍພື້ນຖານ.