ຄຳສັບສຳຄັນທີ່ທ່ານສີຈິ້ນຜິງກ່າວໃນກອງປະຊຸມສອງສະພາ
“ການບັ້ນລຶບລ້າງຄວາມທຸກຍາກ”
ທ່ານສີຈິ້ນຜິງກ່າວວ່າ: ໃນໄລຍະທີ່ສຳຄັນຂອງບັ້ນລຶບລ້າງຄວາມທຸກຍາກຕ້ອງມີຄວາມໝັ້ນໃຈວ່າຕ້ອງຊະນະແນ່ນອນຢ່າງເດັດດ່ຽວ, ຕ້ອງມີຄວາມຕັດສິນໃຈເຮັດໃຫ້ສຳເລັດລວດດຽວ, ສົ່ງກຳລັງທີ່ເກັ່ງກ້າ, ສູ້ຊົນຜ່ານຜ່າຄວາມຫຍຸ້ງຍາກ, ເຮັດແທ້ທຳຈິງ, ວາງນະໂຍບາຍຢ່າງຖືກຕ້ອງກັບເປົ້າໝາຍທີ່ແນ່ນອນ, ຮັບປະກັນໃຫ້ໜ້າທີ່ລຶບລ້າງຄວາມທຸກຍາກສຳເລັດຜົນຕາມເວລາກຳນົດ.
ການລຶບລ້າງຄວາມທຸກຍາກແມ່ນວຽກໃຫຍ່ທີ່ທ່ານສີຈິ້ນຜິງເອົາໃຈໃສ່ທີ່ສຸດ. ນັບແຕ່ປີ 2012 ເປັນຕົ້ນມາ, ບັ້ນລຶບລ້າງຄວາມທຸກຍາກໄດ້ກາຍເປັນຫົວຂໍ້ສຳຄັນທີ່ທ່ານສີຈິ້ນຜິງຕ້ອງກ່າວເຖິງໃນການປຶກສາຫາລືກັບຄະນະຜູ້ແທນທົ່ວປະເທດຂອງກອງປະຊຸມສະພາປະຊາຊົນແຫ່ງຊາດ ແລະສະພາປຶກສາການເມືອງປະຊາຊົນແຫ່ງຊາດ ຫຼືກອງປະຊຸມສອງສະພາ. ໃນໄລຍະ 8 ປີຜ່ານມາ, ບັ້ນລຶບລ້າງຄວາມທຸກຍາກຂອງຈີນທີ່ມີຂະໜາດໃຫຍ່ທີ່ສຸດ ແລະເຂັ້ມງວດທີ່ສຸດໃນໂລກໄດ້ເຮັດໃຫ້ປະຊາຊົນຜູ້ທຸກຍາກເກືອບ 100 ລ້ານຄົນຫຼຸດພົ້ນອອກຈາກຄວາມທຸກຍາກ.
“ພູຂຽວນ້ຳໃສກໍແມ່ນພູເງິນພູຄຳ”
ທ່ານສີຈິ້ນຜິງກ່າວວ່າ: ພູຂຽວນ້ຳໃສພູເງິນພູຄຳບໍ່ໄດ້ເປັນປໍລະປັກກັນຢ່າງເດັດຂາດ, ຂໍ້ກະແຈທີ່ສຳຄັນແມ່ນຄົນ ແລະແນວຄວາມຄິດ. ການປົກປ້ອງສິ່ງແວດລ້ອມນິເວດກໍແມ່ນການປົກປ້ອງກຳລັງການຜະລິດ, ການປົກປ້ອງສິ່ງແວດລ້ອມນິເວດກໍແມ່ນການພັດທະນາກຳບັງການຜະລິດ.
ທ່ານສີຈິ້ນຜິງໄດ້ເອົ່ມໃຈໃສ່ການປົກປ້ອງສິ່ງແວດລ້ອມນິເວດຢ່າງສະເໝີຕົ້ນສະເໝີປາຍ, ທ່ານໄດ້ກ່າວເນັ້ນໜັກໃນກອງປະຊຸມສອງສະພາຫຼາຍເທື່ອແລ້ວວ່າ: ຕ້ອງປົກປ້ອງສິ່ງແວດລ້ອມນິເວດຄືກັນກັບການປົກປ້ອງດວງຕາ, ປະຕິບັດຕໍ່ສິ່ງແວດລ້ອມນິເວດຄືກັນກັບປະຕິບັດຕໍ່ຊີວິດ, ຈີນຕ້ອງເດີນຕາມເສັ້ນທາງທີ່ຖືສິ່ງແວດລ້ອມນິເວດເປັນບູລິມະສິດ ແລະພັດທະນາແບບສີຂຽວ. ທ່ານຍັງໄດ້ສະເໜີວ່າ: ຈີນຕ້ອງສູ້ຊົນເຮັດໃຫ້ການປ່ອຍກາກບອນໄດອົກໄຊຫຼື CO2 ໃຫ້ເຖິງຈຸດສູງສຸດກ່ອນປີ 2030 ແລະບັນລຸການປອດກາກບອນໄດອົກໄຊກ່ອນປີ 2060.
“ແນວຄວາມຄິດການພັດທະນາໃໝ່”
ທ່ານສີຈິ້ນຜິງກ່າວວ່າ: ແນວຄວາມຄິດການພັດທະນາໃໝ່ແມ່ນທິດທາງໜຶ່ງ ແລະລູກກະແຈລູກໜຶ່ງ, ສິ່ງທີ່ສຳຄັນທີ່ສຸດກໍແມ່ນການປະດິດສ້າງໃໝ່.
ທ່ານສີຈິ້ນຜິງໄດ້ກ່າວເຖິງແນວຄວາມຄິດການພັດທະນາໃໝ່ເລື່ອຍໆໃນການປຶກສາຫາລືກັບຄະນະຜູ້ແທນສອງສະພາ, ທ່ານກ່າວເນັ້ນວ່າ: ການພັດທະນາທີ່ມີຄຸນນະພາບສູງກໍແມ່ນການພັດທະນາທີ່ສ່ອງແສງເຖິງແນວຄວາມຄິດການພັດທະນາໃໝ່, ເຂົ້າສູ່ໄລຍະການພັດທະນາໃໝ່ ແລະຈັດຕັ້ງປະຕິບັດແນວຄວາມຄິດການພັດທະນາໃໝ່. ການສ້າງສະພາບການພັດທະນາໃໝ່ ແມ່ນຕັດສິນຊີ້ຂາດໂດຍທິດສະດີ, ປະຫວັດສາດ ແລະສະພາຄວາມເປັນຈິງຂອງການພັດທະນາເສດຖະກິດ-ສັງຄົມຂອງຈີນ.
“ລະບຽບກົດໝາຍປະຊາທິປະໄຕ”
ທ່ານສີຈິ້ນຜິງກ່າວວ່າ: ພວກເຮົາຕ້ອງໃຊ້ມາດຕະການທີ່ເຂັ້ມແຂງກວ່າເກົ່າແລະຕິດແທດຕົວຈິງກວ່າເກົ່າໃນການພັດທະນາປະຊາທິປະໄຕສັງຄົມນິຍົມ, ຍຶດໝັ້ນການນຳພາຂອງພັກ, ປະຊາຊົນເປັນເຈົ້າຂອງປະເທດຊາດ, ບໍລິຫານປະເທດຕາມກົດໝາຍຢ່າງເປັນເອກະພາບແບບກາຍອິນຊີ, ສ້າງສາປະເທດສັງຄົມນິຍົມແຫ່ງກົດໝາຍ, ຊຸກຍູ້ການຫັນເປັນທັນສະໄໝດ້ານລະບົບ ແລະຄວາມສາມາດບໍລິຫານປະເທດ.
ລະບຽບກົດໝາຍເປັນພາຫະນະສຳຄັນທີ່ສຸດໃນການບໍລິຫານປະເທດ, ເປັນບ່ອນອີງສຳຄັນຂອງລະບົບບໍລິຫານປະເທດແລະຄວາມສາມາດບໍລິຫານປະເທດ. ປີ 2020, ກົດໝາຍແພ່ງສາທາລະນະລັດປະຊາຊົນຈີນໄດ້ກຳເນີດຂຶ້ນ, ກົດໝາຍພື້ນຖານຂອງເຂດບໍລິຫານພິເສດຮົງກົງຂອງສາທາລະນະລັດປະຊາຊົນຈີນໄດ້ຜ່ານການຮັບຮອງ, ສູນກາງພັກກອມມູນິດຈີນທີ່ມີສະຫາຍສີຈິ້ນຜິງເປັນແກນນຳໄດ້ວາງແຜນແມ່ບົດກ່ຽວກັບລະບຽບກົດໝາຍໃນລະດັບສູງທີ່ບໍ່ເຄີຍມີມາກ່ອນ, ໄດ້ເປີດສະພາບການໃໝ່ໃຫ້ກັບການບໍລິຫານປະເທດຕາມກົດໝາຍຢ່າງຮອບດ້ານ, ແລະເປັນສິ່ງຮັບປະກັນຄວາມທ່ຽງທຳແລະຄວາມຍຸຕິທຳທາງສັງຄົມແລະສິດທິຂອງປະຊາຊົນຢ່າງແທ້ຈິງ.
“ປະຊາຊົນຢູ່ເໜືອທຸກສິ່ງຢ່າງ”
ທ່ານສີຈິ້ນຜິງກ່າວວ່າ: ພື້ນຖານຂອງພັກກອມມູນິດຈີນຢູ່ນຳປະຊາຊົນ, ສາຍເລືອດຢູ່ນຳປະຊາຊົນ, ຍຶດໝັ້ນໃນແນວຄິດພັດທະນາທີ່ຖືປະຊາຊົນເປັນໃຈກາງ, ບໍ່ວ່າຈະຜະເຊີນກັບສິ່ງທ້າທາຍແລະແຮງກົດດັນຫຼາຍສ່ຳໃດ, ບໍ່ວ່າຈະເສຍສະຫະແລະເສຍຄ່າຕອບແທນຫຼາຍສ່ຳໃດ, ສິ່ງນີ້ຈະບໍ່ຫວັ່ນໄຫວຄອນແຄນຢ່າງສະເໝີຕົ້ນສະເໝີປາຍ.
ການຖືເອົາປະຊາຊົນຢູ່ເໜືອທຸກສິ່ງຢ່າງ, ຍຶດໝັ້ນໃນແນວຄິດພັດທະນາທີ່ຖືປະຊາຊົນເປັນໃຈກາງ ເປັນແນວຄິດກຳອຳນາດຢ່າງໝັ້ນໜຽວບໍ່ປ່ຽນແປງຂອງທ່ານສີຈິ້ນຜິງ. ທ່ານໄດ້ຮຽກຮ້ອງຢ່າງສະເໝີຕົ້ນສະເໝີປາຍໃຫ້ທົ່ວພັກບໍ່ລືອຸດົມການແຕ່ຫົວທີ, ຈື່ຈຳພາລະກຳ, ຖືການສ້າງຄວາມສຸກໃຫ້ກັບປະຊາຊົນເປັນຜົນງານການບໍລິຫານທີ່ໃຫຍ່ທີ່ສຸດ.