ວັນທີ 5 ມີນານີ້, ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນສະໄໝທີ 13 ໄດ້ໄຂຂຶ້ນຢູ່ນະຄອນຫຼວງປັກກິ່ງຂອງຈີນ, ໃນເວລາທ່ານຫຼີເຄີ້ສຽງ ນາຍົກລັດຖະມົນຕີຈີນຜ່ານບົດລາຍງານວຽກງານລັດຖະບານໃນກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນສະໄໝທີ 13, ທ່ານກ່າວວ່າ: ໃນປີ 2021, ຈີນຕ້ອງຍຶດໝັ້ນນະໂຍບາຍການຕ່າງປະເທດສັນຕິພາບ ທີ່ເປັນເອກະລາດ ແລະ ເປັນເຈົ້າຕົນເອງ, ຕັ້ງໜ້າຂະຫຍາຍການພົວພັນຄູ່ຮ່ວມກັບບັນດາປະເທດໃນໂລກ, ຊຸກຍູ້ການສ້າງການພົວພັນສາກົນແບບໃໝ່ ແລະ ສ້າງປະຊາຄົມຮ່ວມຊາຕາກຳຂອງມວນມະນຸດ. ຍຶດໝັ້ນການເປີດປະຕູສູ່ພາຍນອກ ແລະ ຮ່ວມມືກັນ, ຊຸກຍູ້ໃຫ້ລະບົບບໍລິຫານທົ່ວໂລກຂະຫຍາຍໄປສູ່ທິດທາງທີ່ຍຸຕິທຳກວ່າເກົ່າ ແລະ ສົມເຫດສົມຜົນກວ່າເກົ່າ. ສືບຕໍ່ລົງເລິກການຮ່ວມມືສາກົນ ແລະ ພາກພື້ນຢ່າງຕໍ່ເນື່ອງ, ຕັ້ງໜ້າເຂົ້າຮ່ວມການຮ່ວມມືສາກົນ ໃນການປ້ອງກັນແລະຄວບຄຸມການແຜ່ລະບາດຂອງພະຍາດຕິດແປດທີ່ຮ້າຍແຮງ. ຈີນຍິນດີຢູ່ຮ່ວມກັນໂດຍສັນຕິ ແລະ ພັດທະນາຮ່ວມກັນກັບບັນດາປະເທດໃນໂລກ ບົນພື້ນຖານເຄົາລົບເຊິ່ງກັນແລະກັນ, ສະເໝີພາບກັນ ແລະ ຕ່າງຝ່າຍຕ່າງມີຜົນປະໂຫຍດ, ຈັບມືກັນຮັບມືກັບສິ່ງທ້າທາຍລັກສະນະທົ່ວໂລກ, ພະຍາຍາມຢ່າງບໍ່ລົດລະ ເພື່ອຊຸກຍູ້ສັນຕິພາບ ແລະ ຄວາມຈະເລີນຮຸ່ງເຮືອງຂອງໂລກ!