ຕາມຂ່າວCRI：ວັນທີ 5 ມີນານີ້, ທ່ານຈ່ຽງຈ້າຍຕົ່ງ, ເອກອັກຄະລັດຖະທູດຈີນປະຈຳລາວໄດ້ພົບປະກັບທ່ານສະເຫຼີມໄຊ ກົມມະສິດ, ກຳມະການກົມການເມືອງສູນກາງພັກປະຊາຊົນປະຕິບັດລາວ, ລັດຖະມົນຕີກະຊວງການຕ່າງປະເທດລາວ, ໄດ້ແຈ້ງສະພາບການກ່ຽວກັບການໄຂກອງປະຊຸມຄັ້ງທີ 4 ຂອງສະພານປະຊາຊົນແຫ່ງຊາດຈີນສະໄໝທີ 13 ແລະກອງປະຊຸມຄັ້ງທີ 4 ຂອງສະພາປຶກສາການເມືອງປະຊາຊົນແຫ່ງຊາດຈີນສະໄໝທີ 13 ຂອງຈີນ.
ທ່ານສະເຫຼີມໄຊ ກົມມະສິດໄດ້ສະແດງຄວາມຊົມເຊີຍຕໍ່ການໄຂກອງປະຊຸມສອງສະພາຂອງຈີນແລະກ່າວວ່າ, ໃນ 1 ປີທີ່ຜ່ານມາ, ພາຍໃຕ້ການນຳພາຢ່າງສະຫຼາດສ່ອງໃສຂອງສູນກາງພັກກອມມູນິດຈີນທີ່ມີທ່ານສີຈິ້ນຜິງເປັນໃຈກາງ, ປະຊາຊົນຈີນທີ່ເປັນອ້າຍນ້ອງກັນໄດ້ຮັບຜົນສຳເລັດຍຸດທະສາດທີ່ສຳຄັນໃນການຕໍ່ຕ້ານສະພາບພະຍາດໂຄວິດ-19 ແລະໄດ້ຮັບໄຊຊະນະຢ່າງຮອບດ້ານໃນການລຶບລ້າງຄວາມທຸກຍາກ, ຈີນໄດ້ກາຍເປັນອົງກອນເສດຖະກິດຕົ້ນຕໍທີ່ໄດ້ຮັບການເຕີບໂຕທາງບວກດ້ານເສດຖະກິດພຽງອັນດຽວໃນທົ່ວໂລກ. ພວກເຮົາສະແດງຄວາມເຄົາລົບຢ່າງຈິງໃຈຕໍ່ເລື່ອງນີ້. ໃນເວລາທີ່ຄວບຄຸມສະພາບພະຍາດໃຫ້ດີກ່ອນໝູ່ແລະຈັດສັນການພັດທະນາດ້ານເສດຖະກິດສັງຄົມຢ່າງເໝາະສົມ, ຈີນຍັງໄດ້ໃຫ້ການຊ່ວຍເຫຼືອຢ່າງບໍ່ເຫັນແກ່ຕົວແກ່ປະຊາຄົມໂລກເພື່ອຕ້ານພະຍາດ, ແລະໄດ້ປະກອບສ່ວນເຂົ້າໃນການຟື້ນຟູເສດຖະກິດຂອງໂລກ, ພຽງແຕ່ການລົງທຶນຕໍ່ບັນດາປະເທດລຽບຕາມ “ໜຶ່ງແລວໜຶ່ງເສັ້ນທາງ” ເຊິ່ງລວມທັງປະເທດລາວກໍໄດ້ເພີ່ມຂຶ້ນ 18，3%. ພວກເຮົາຂໍສະແດງຄວາມຂອບອົກຂອບໃຈຢ່າງຈິງໃຈຕໍ່ເລື່ອງນີ້.
ທ່ານສະເຫຼີມໄຊ ກົມມະສິດກ່າວວ່າ, ປີນີ້ແມ່ນພັກກອມມູນິດຈີນໄດ້ສ້າງຕັ້ງຄົບຮອບ 100 ປີແລະປີເລີ່ມຕົ້ນຂອງການປະຕິບັດແຜນການພັດທະນາ 5 ປີຄັ້ງທີ 14, ກອງປະຊຸມສອງສະພາຈີນຈະວັງແຜນການພັດທະນາໃໝ່, ກຳນົດມາດຕະການຢ່າງລະອຽດ, ເລີ່ມດຳເນີນການສ້າງສາປະເທດທີ່ຫັນເປັນທັນສະໄໝລັດທິສັງຄົມນິຍົມຢ່າງຮອບດ້ານໃໝ່. ນີ້ແມ່ນເລື່ອງໃຫຍ່ໃນຊີວິດການເປັນຢູ່ການເມືອງຂອງຈີນ, ກໍຈະທຸ່ມເທພະລັງແຮງທາງບວກແລະເພີ່ມຄວາມໝັ້ນໃຈຕໍ່ການພັດທະນາຂອງໂລກ. ລາວຈົ່ງອວຍພອນໃຫ້ກອງປະຊຸມສອງສະພາຈະໄດ້ຮັບຜົນສຳເລັດ, ແລະຄອງຄອຍຮ່ວມກັນກັບຈີນລົງເລິກການແລກປ່ຽນດ້ານການບໍລິຫານປະເທດຄຸ້ມຄອງການເມືອງຢ່າງຕື່ມອີກ, ຊຸກຍູ້ການສ້າງສາຂອງປະຊາຄົມຊາຕາກຳລະຫວ່າງລາວ-ຈີນ, ສ້າງຄວາມສຸກໃຫ້ແກ່ສອງປະເທດແລະປະຊາຊົນຂອງສອງປະເທດຢ່າງຕໍ່ເນື່ອງ, ປະກອບສ່ວນຢ່າງຕັ້ງໜ້າເຂົ້າໃນການສ້າງສາປະຊາຄົມຊາຕາກຳມວນມະນຸດ.