ນັກສຶກສາຕ່າງປະເທດຍ້ອງຍໍຊົມເຊີຍຜົນສຳເລັດໃນບັ້ນລຶບລ້າງຄວາມທຸກຍາກຂອງຈີນ
ທ່ານນາງຮວາງສຽວຈ່ວນແມ່ນກຳມະການສະພາປຶກສາການເມືອງປະຊາຊົນແຫ່ງຊາດ ທັງເປັນຮອງອະທິການບໍດີມະຫາວິທະຍາໄລຊົນເຜົ່າກວາງຊີຈີນ.
ນາງກ່າວວ່າ: ນັບຕັ້ງແຕ່ຊຸມປີ1980ເປັນຕົ້ນມາ, ມະຫາວິທະຍາໄລຊົນເຜົ່າກວາງຊີໄດ້ເລີ່ມຮັບນັກສຶກສາຕ່າງປະເທດ, ໃນນັ້ນ, ນັກສຶກສາຕ່າງປະເທດຫລາຍກວ່າ 90% ແມ່ນມາຈາກປະເທດອາຊີຕາເວັນອອກສຽງໃຕ້. ຫລາຍປີມານີ້, ນັກສຶກສາຕ່າງປະເທດໄດ້ສຳຜັດເຖິງຄວາມພະຍາຍາມຢ່າງບໍ່ຢຸດຢັ້ງຂອງລັດຖະບານຈີນໃນການພັດທະນາປະເທດຊາດ ແລະຈິດໃຈສາມັກຄີ ແລະຊ່ວຍເຫລືອເຊິ່ງກັນ ແລະກັນຂອງປະຊາຊົນຈີນ.
ທ່ານນາງ ຮວາງສຽວຈ່ວນກ່າວຕື່ມວ່າ: ຫລາຍປີມານີ້, ນັກສຶກສາຕ່າງປະເທດທັງຫລາຍໄດ້ສໍາຜັດດ້ວຍຕົນເອງເຖິງການພັດທະນາດ້ານຄົນມະນາຄົມ ແລະເສດຖະກິດຂອງຊົນນະບົດເຂດກວາງຊີ. ນັກສຶກສາຂອງປະເທດທີ່ມີດິນຟ້າອາກາດ ແລະທຳມະຊາດຄ້າຍຄືກັນກັບເຂດກວາງຊີເຫັນວ່າ: ການລຶບລ້າງຄວາມທຸກຍາກຂອງຈີນໄດ້ເປັນບົດຮຽນອັນສຳຄັນທີ່ເປັນຕາຖອດຖອນເອົາໄປນຳໃຊ້ໃນການພັດທະນາປະເທດຕົນ. ນັກສຶກສາຕ່າງປະເທດທັງຫລາຍພາກັນເວົ້າວ່າ: ຈະນຳເອົາບົດຮຽນ ແລະເລື່ອງລາວຕ່າງໆໃນການລຶບລ້າງຄວາມທຸກຍາກຂອງຈີນໄປເຜີຍແຜ່ໃຫ້ກັບຄອບຄົວ ແລະໝູ່ເພື່ອນຂອງຕົນໄດ້ຮັບຮູ້, ນອກນັ້ນ, ຍັງຫວັງວ່າທາງໂຮງຮຽນຈະຈັດກິດຈະກຳທັດສະນະສຶກສາຕ່າງໆ ແລະພາຍຫລັງກັບຄືນສູ່ປະເທດຂອງຕົນແລ້ວຈະນຳເອົາຄວາມຮູ້ໄປປະກອບສ່ວນເຂົ້າໃນການພັດທະນາປະເທດຊາດ.