ກອງປະຊຸມຄັ້ງທີ 4 ຂອງສະພາປະຊາຊົນແຫ່ງຊາດຈີນສະໄໝທີ 13 ໄດ້ອັດລົງແລ້ວໃນຕອນບ່າຍວັນທີ 11 ມີນານີ້, ທ່ານຫລີເຄີ້ສຽງ ນາຍົກລັດຖະມົນຕີຈີນໄດ້ຕອບຄຳຖາມຂອງສື່ມວນຊົນພາຍໃນ ແລະຕ່າງປະເທດພາຍຫລັງພິທີປິດ. ທ່ານຫລີເຄີ້ສຽງເວົ້າວ່າ, ໃນເວລາວາງນະໂຍບາຍມະຫາພາກໃນປີນີ້, ຈີນຈະສືບຕໍ່ຍຶດໝັ້ນການປະກອບອາຊີບເປັນບູລິມະສິດ.
ທ່ານຫລີເຄີ້ສຽງກ່າວວ່າ, ການປະກອບອາຊີບແມ່ນພື້ນຖານຂອງການດຳລົງຊີວິດ, ທັງເປັນພື້ນຖານຂອງການພັດທະນາ, ມີອາຊີບກໍຈະມີລາຍຮັບ ເຊິ່ງສາມາດກະຕຸ້ນການບໍລິໂພກ ແລະຊຸກຍູ້ເສດຖະກິດ.
ທ່ານຫລີເຄີ້ສຽງກ່າວຕື່ມວ່າ: ຈີນໄດ້ກຳນົດເປົ້າໝາຍທີ່ໃຫ້ຜູ້ປະກອບອາຊີບໃນຕົວເມືອງເພີ່ມຂຶ້ນ 11 ລ້ານຄົນຂຶ້ນໄປໃນປີນີ້. ການປະກອບອາຊີບຕ້ອງອາໄສຕະຫລາດເປັນຫລັກ ແລະສືບຕໍ່ຮັກສາການປະກອບອາຊີບໂດຍຜ່ານການຮັກສາຫົວໜ່ວຍທຸລະກິດຕົ້ນຕໍໃນຕະຫລາດ. ໃນຂະນະທີ່ຊຸກຍູ້ການປະກອບອາຊີບໃຫ້ມີຄວາມໝັ້ນຄົງ ແລະເພີ່ມຂຶ້ນ, ຍັງຕ້ອງເປີດກວ້າງຊ່ອງທາງການປະກອບອາຊີບຢ່າງຄ່ອງແຄ້ວອີກດ້ວຍ.