ອົງການສະຖິຕິແຫ່ງຊາດຈີນເປີດເຜີຍໃນວັນທີ 15 ມີນານີ້ວ່າ: ເສດຖະກິດຈີນໄດ້ຮັກສາຈັງຫວະການຟື້ນຄືນທີ່ມີລັກສະນະເຕີບໂຕ ແລະ ມີປັດໄຈຕັ້ງໜ້າເພີ່ມຂຶ້ນນັບແຕ່ເດືອນມັງກອນຫາເດືອນກຸມພາປີນີ້.
ຕົ້ນຕໍແມ່ນສະແດງໃຫ້ເຫັນໃນຫຼາຍດ້ານດັ່ງຕໍ່ໄປນີ້: ການຜະລິດດ້ານອຸດສາຫະກຳໄດ້ເພີ່ມຂຶ້ນໄວກວ່າເກົ່າ, ອຸດສາຫະກຳການຜະລິດເຄື່ອງອຸປະກອນແລະເຕັກນິກຂັ້ນສູງໄດ້ເພີ່ມຂຶ້ນເປັນຢ່າງດີ, ຂະແໜງການບໍລິການໄດ້ຟື້ນຕົວເປັນກ້າວໆ, ການຈຳໜ່າຍໃນຕະຫຼາດໄດ້ຮັກສາຈັງຫວະການເຕີບໂຕ, ການຈຳໜ່າຍສິນຄ້າປະເພດຍົກລະດັບໂຄງປະກອບບໍລິໂພກໄດ້ເພີ່ມຂຶ້ນຢ່າງວ່ອງໄວ, ການລົງທຶນດ້ານອະສັງຫາລິມະຊັບໄດ້ເພີ່ມຂຶ້ນຢ່າງໜັກແໜ້ນ, ອັດຕາຫວ່າງງານທີ່ຮັບການສຳຫຼວດໃນຕົວເມືອງໄດ້ຫຼຸດລົງເມື່ອທຽບໃສ່ໄລຍະດຽວກັນຂອງປີຜ່ານມາ, ລາຄາບໍລິໂພກຂອງພົນລະເມືອງໄດ້ຫຼຸດລົງເມື່ອທຽບໃສ່ໄລຍະດຽວກັນຂອງປີຜ່ານມາ.
ໃນໄລຍະຕໍ່ໄປ, ຄວນຕ້ອງປັບປຸງພື້ນຖານການຟື້ນຄືນດ້ານເສດຖະກິດໃຫ້ໜັກແໜ້ນກວ່າເກົ່າ, ພະຍາຍາມຮັກສາການເຄື່ອນໄຫວຂອງເສດຖະກິດໃຫ້ຢູ່ໃນລະດັບທີ່ສົມເຫດສົມຜົນ.