ກົນໄກປ້ອງກັນແລະຄວບຄຸມຮ່ວມຂອງຄະນະລັດຖະບານຈີນໄດ້ຈັດກອງປະຊຸມຂ່າວໃນວັນທີ 15 ມີນານີ້, ທ່ານຫຼີປິ່ນ ຮອງຫົວໜ້າຄະນະກຳມະການສາທາລະນະສຸກແຫ່ງຊາດຈີນກ່າວໃນກອງປະຊຸມວ່າ: ປັດຈຸບັນ, ມີປະຊາຊົນຈີນ 64,98 ລ້ານເທື່ອຄົນໄດ້ສັກວັກຊີນໂຄວິດ-19 ແລ້ວ. ຄຽງຄູ່ກັບວຽກງານສັກວັກຊີນໂຄວິດ-19 ໄດ້ດຳເນີນໄປຢ່າງຮອບດ້ານ, ຜູ້ສັກວັກຊີນກໍພວມນັບມື້ນັບເພີ່ມຂຶ້ນ, ເຊື່ອວ່າ: ວັກຊີນໂຄວິດ-19 ຂອງຈີນກໍຈະມີບົດບາດທີ່ນັບມື້ນັບພົ້ນເດັ່ນ.
ກ່ຽວກັບກຳລັງການຜະລິດຂອງວັກຊີນໂຄວິດ-19, ທ່ານຖຽນຢຸ້ຍລົງ ຫົວໜ້າວິສະວະກອນກະຊວງອຸດສາຫະກຳແລະເຕັກໂນໂລຊີຂໍ້ມູນຂ່າວສານຈີນກ່າວໃນກອງປະຊຸມວ່າ: ປັດຈຸບັນ, ຝ່າຍຜະລິດວັກຊີນ 4 ຊະນິດທີ່ສອດຄ່ອງກັບເງື່ອນໄຂຈຳໜ່າຍໃນຕະຫຼາດຂອງຈີນລ້ວນແຕ່ໄດ້ເລີ່ມການຜະລິດຂະໜາດໃຫຍ່ ແລະ ຍັງສືບຕໍ່ເປີດກວ້າງກຳລັງການຜະລິດຂອງຕົນ ພ້ອມທັງຈະສືບຕໍ່ຮ່ວມກັນກັບປະເທດອື່ນໆໃນໂລກຕ້ານກັບການແຜ່ລະບາດຂອງພະຍາດ ບົນພື້ນຖານທີ່ຮັບປະກັນຄວາມຕ້ອງການຂອງແຜນງານສັກວັກຊີນຢູ່ພາຍໃນປະເທດຈີນ.