ວັນທີ 27 ມີນານີ້ ທ່ານສີຈິ້ນຜິງ ປະທານປະເທດຈີນໄດ້ສົ່ງສານສະແດງຄວາມເຫັນໃຈເຖິງປະທານາທິບໍດີເອຢິບໃນກໍລະນີທີ່ໄດ້ເກີດອຸບັດເຫດລົດໄຟຕຳກັນຢູ່ເອຢິບ.
ໃນສານສະແດງຄວາມເຫັນໃຈເຖິງ ທ່ານສີຈິ້ນຜິງກ່າວວ່າ:ໄດ້ຮັບຂ່າວເສົ້າສະຫຼົດໃຈທີ່ຢູ່ເອຢິບໄດ້ເກີດອຸບັດເຫດລົດໄຟຕຳກັນ ແລະສົ່ງຜົນເຮັດໃຫ້ມີຫຼາຍຄົນເສຍຊີວິດແລະໄດ້ຮັບບາດເຈັບ. ຂ້າພະເຈົ້າຂໍຕາງໜ້າລັດຖະບານແລະປະຊາຊົນຈີນແລະໃນນາມສ່ວນຕົວ, ຂໍສົ່ງຄວາມໄວ້ອາໄລອັນເລິກເຊິ່ງມາຍັງຜູ້ປະສົບເຄາະຮ້າຍ,ແລະສະແດງຄວາມເຫັນໃຈຢ່າງສຸດຊຶ້ງມາຍັງຄອບຄົວຂອງຜູ້ປະສົບເຄາະຮ້າຍ ແລະຜູ້ໄດ້ຮັບບາດເຈັບ, ຫວັງວ່າ ຜູ້ໄດ້ຮັບບາດເຈັບຈະຟື້ນຟູສຸຂະພາບດີຄືນໃໝ່ໂດຍໄວ.