ຕາມຂ່າວCRI：ວັນທີ 29 ມີນານີ້, ທ່ານຢຸຍເວີນໝີງ, ຫົວໜ້າກົມການຄຸ້ມຄອງຢາແລະແພດແຜນຈີນແຫ່ງຊາດຈີນກ່າວໃນກອງປະຊຸມຂ່າວທີ່ຈັດຂຶ້ນໂດຍຫ້ອງການຖະແຫຼງຂ່າວລັດຖະບານຈີນວ່າ, ໃນໄລຍະປະຕິບັດ “ແຜນພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ 14”, ຈີນຈະເພີ່ມທະວີການແລກປ່ຽນແລະການຮ່ວມມືສາກົນດ້ານຢາແລະແພດແຜນຈີນ ເພື່ອຊຸກຍູ້ໃຫ້ຢາແລະແພດແຜນຈີນ“ຍ່າງອອກໄປສູ່ໂລກ”.
ທ່ານຢຸຍເວີນໝີງກ່າວວ່າ, ໃນຂະບວນການຕ້ານການແຜ່ລະບາດຂອງພະຍາດໂຄວິດ-19, ຢາແລະແພດແຜນຈີນໄດ້ເສີມຂະຫຍາຍທ່າແຮງພິເສດແລະບົດບາດທີ່ມີຄຸນຄ່າ, ກໍໄດ້ສ້າງກະແສນິຍົມຢາແລະແພດແຜນຈີນຮອບໃໝ່. ໃນໄລຍະປະຕິບັດ “ແຜນພັດທະນາ 5 ປີຄັ້ງທີ 14”, ຈີນຈະເພີ່ມທະວີການຮ່ວມມືສອງຝ່າຍກັບປະເທດສຳຄັນທີ່ຢູ່ລຽບຕາມ “ໜຶ່ງແລວໜຶ່ງເສັ້ນທາງ” ແລະການຮ່ວມມືຫຼາຍຝ່າຍກັບອົງການອະນາໄມໂລກ, ເຮັດໃຫ້ປະຊາຊົນທົ່ວໂລກເຂົ້າໃຈແລະຮັບຮູ້ກັບຢາແລະແພດແຜນຈີນໃຫ້ຫຼາຍກວ່າເກົ່າ, ແລະເຮັດໃຫ້ຢາແລະແພດແຜນຈີນ, ປະກອບສ່ວນເຂົ້າໃນສຸຂະພາບຂອງປະຊາຊົນທົ່ວໂລກຂະນະທີ່ຮັບໃຊ້ສຸຂະພາບຂອງປະຊາຊົນຈີນ.