ຕາມຂ່າວແຈ້ງວ່າ: ທ່ານອັນໂຕນີໂອ ກູເຕີເຣສ ເລຂາທິການໃຫຍ່ອົງການ ສປຊ ໄດ້ກ່າວໃນຫວ່າງກ່ອນນີ້ວ່າ: ອົງການ ສປຊ ພວມປຶກສາຫາລືກັບຈີນກ່ຽວກັບການຢ້ຽມຢາມເຂດຊິ່ນຈ່ຽງ. ວັນທີ 29 ມີນານີ້, ທ່ານຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ກ່າວໃນກອງປະຊຸມຂ່າວວ່າ: ຍິນດີຕ້ອນຮັບຫ້ອງການພະນັກງານສະເພາະກິດລະດັບສູງກ່ຽວກັບສິດທິມະນຸດອົງການ ສປຊ ຢ້ຽມຢາມຊິ່ນຈ່ຽງ. ຈີນໄດ້ເຊື້ອເຊີນຫ້ອງການດັ່ງກ່າວມາຢ້ຽມຢາມຈີນກໍຄືຢ້ຽມຢາມຊິ່ນຈ່ຽງແຕ່ດົນແລ້ວ, ສອງຝ່າຍໄດ້ຮັກສາການແລກປ່ຽນມາໂດຍຕະຫຼອດ.
ທ່ານກ່າວເນັ້ນວ່າ: ເຂດຊິ່ນຈ່ຽງຈະເປີດປະຕູຕະຫຼອດໄປ. ຈຸດປະສົງຂອງການຢ້ຽມຢາມແມ່ນເພື່ອຊຸກຍູ້ການແລກປ່ຽນແລະການຮ່ວມມືລະຫວ່າງສອງຝ່າຍ, ແຕ່ບໍ່ແມ່ນດຳເນີນການສຳຫຼວດກວດກາເພື່ອລົງໂທດ. ພ້ອມກັນນັ້ນ, ພວກຂ້າພະເຈົ້າກໍຄັດຄ້ານການສວຍໃຊ້ເລື່ອງນີ້ເພື່ອກໍ່ເຫດການທາງການເມືອງ ແລະເພີ່ມແຮງກົດດັນໃຫ້ກັບປະເທດຈີນ.