ວັນທີ 11 ເມສານີ້, ກອງປະຊຸມຖະແຫຼງຂ່າວປ້ອງກັນຄວບຄຸມພະຍາດຮ່ວມຂອງລັດຖະບານຈີນໃຫ້ຮູ້ວ່າ, ຈຳນວນການສັກວັກຊີນຕ້ານເຊື້ອພະຍາດໂຄວິດ-19ຂອງຈີນຢູ່ໃນອັນດັບທີ 2 ຂອງໂລກ. ພ້ອມກັນນັ້ນ, ຜູ້ຊ່ຽວຊານຈີນເຕືອນໃຫ້ຮູ້ວ່າ, ໃນຍາມລະດູໃບໄມ້ປົ່ງ, ບໍ່ຄວນປ່ອຍປະມາດຕະການປ້ອງກັນຄວບຄຸມພະຍາດແບບປົກກະຕິ.
ໃນກອງປະຊຸມຖະແຫຼງຂ່າວ, ທ່ານອູລຽງຢິວ, ຮອງຫົວໜ້າກົມຄວບຄຸມພະຍາດຂອງຄະນະກຳມະການສາທາລະນະສຸກແຫ່ງຊາດຈີນກ່າວວ່າ, ປະຈຸບັນ, ວຽກງານສັກວັກຊີນຕ້ານເຊື້ອພະຍາດໂຄວິດ-19 ຢູ່ຈີນພວມດຳເນີນໄປຢ່າງເປັນລະບຽບຮຽບຮ້ອຍ, ນັບມາຮອດວັນທີ 10 ເມສານີ້, ຢູ່ແຫ່ງຕ່າງໆຂອງຈີນໄດ້ສັກວັກຊີນເປັນຈຳນວນ 164 ລ້ານກວ່າເທື່ອຫຼອດ.
ປະຈຸບັນ, ວັກຊີນຕ້ານເຊື້ອພະຍາດໂຄວິດ-19ທີ່ຄົ້ນຄວ້າຜະລິດໂດຍບໍລິສັດເຄີ່ຊິ່ນຈີນໄດ້ເຂົ້າສູ່ໄລຍະສຸດທ້າຍຂອງການປະເມີນມອບສິດການນຳໃຊ້ສຸກເສີນຂອງອົງການອະນາໄມໂລກ.