ກອງປະຊຸມກົນໄກສົນທະນາການຮ່ວມມືກ່ຽວກັບວຽກງານທາງທະເລຄັ້ງປະຖົມມະລືກລະຫວ່າງຈີນ ແລະ ສ.ເກົາຫຼີໄດ້ຈັດຂຶ້ນໂດຍຜ່ານທາງວິດີໂອ ໃນວັນທີ 14 ເມສານີ້.
ສອງຝ່າຍໄດ້ສະແດງຄວາມບໍ່ພໍໃຈຢ່າງຮຸນແຮງທີ່ຍີ່ປຸ່ນບໍ່ເອົາຫົວຊາຕໍ່ການຄັດຄ້ານຈາກປະຊາຄົມໂລກ ໂດຍສະເພາະແມ່ນການຄັດຄ້ານຈາກ ຈີນ ແລະ ສ.ເກົາຫຼີ ທີ່ເປັນສອງປະເທດບ້ານໃກ້ເຮືອນຄຽງທີ່ສຳຄັນຂອງຍີ່ປຸ່ນ, ໃນກໍລະນີທີ່ຍີ່ປຸ່ນໄດ້ຕົກລົງແຕ່ຝ່າຍດຽວທີ່ຈະປ່ອຍນ້ຳປົນເປື້ອນລັງສີນິວເຄຼຍຈາກໂຮງໄຟຟ້ານິວເຄຼຍຟຸຄຸຊິມະລົງທະເລ. ສອງຝ່າຍໄດ້ທວງໃຫ້ຍີ່ປຸ່ນຈົ່ງປຶກສາຫາລືກັບອົງການຈັດຕັ້ງສາກົນ ແລະ ປະເທດໃກ້ຄຽງຢ່າງເຕັມສ່ວນ, ແກ້ໄຂບັນຫານ້ຳເປື້ອນດັ່ງກ່າວຢ່າງສຸຂຸມຮອບຄອບ ບົນພື້ນຖານທີ່ປະເທດ ແລະ ອົງການຈັດຕັ້ງທີ່ກ່ຽວຂ້ອງເຂົ້າຮ່ວມຢ່າງແທ້ຈິງ. ຈີນ ແລະ ສ.ເກົາຫຼີຈະສືບຕໍ່ຮັກສາການແລກປ່ຽນແລະປະສານງານຢ່າງໃກ້ຊິດກ່ຽວກັບບັນຫານີ້ ແລະ ຍິນດີຮ່ວມກັບປະຊາຄົມໂລກ ແລະ ປະເທດໃນພາກພື້ນທີ່ກ່ຽວຂ້ອງໃຊ້ມາດຕະການແລະການເຄື່ອນໄຫວທີ່ຈຳເປັນທຸກປະການ ເພື່ອຮ່ວມກັນຮັບມືກັບສິ່ງທ້າທາຍສາກົນດັ່ງກ່າວ.
ສອງຝ່າຍເຫັນດີຈະຈັດກອງປະຊຸມກົນໄກສົນທະນາການຮ່ວມມືກ່ຽວກັບວຽກງານທາງທະເລຄັ້ງທີ 2 ໃນເວລາທີ່ເໝາະສົມ.