ຕົວເລກຂໍ້ມູນທີ່ກະຊວງການຄ້າຈີນເປີດເຜີຍໃນວັນທີ 15 ເມສານີ້ສະແດງໃຫ້ເຫັນວ່າ: ໄຕມາດທີໜຶ່ງປີນີ້, ຈີນສາມາດດຶງດູດການລົງທຶນຂອງຕ່າງປະເທດຕົວຈິງໄດ້ 302.47 ຕື້ຢວນ, ເພີ່ມຂຶ້ນ 39,9% ເມື່ອທຽບໃສ່ໄລຍະດຽວກັນຂອງປີຜ່ານມາ ແລະ ເພີ່ມຂຶ້ນ 24,8% ເມື່ອທຽບໃສ່ໄລຍະດຽວກັນຂອງປີ 2019. ນອກນີ້, ທ່ານກາວເຟີງ ໂຄສົກກະຊວງການຄ້າຈີນກ່າວວ່າ: ຕົວເລກຂໍ້ມູນໃນໄຕມາດທີໜຶ່ງສະແດງໃຫ້ເຫັນວ່າ: ການດຶງດູດການລົງທຶນຂອງຕ່າງປະເທດຕົວຈິງຂອງບັນດາປະເທດອາຊຽນກໍໄດ້ເພີ່ມຂຶ້ນຢ່າງຈະແຈ້ງເຊັ່ນກັນ.
ທ່ານກາວເຟີງກ່າວຕື່ມວ່າ: ເມື່ອສັງເກດຈາກແຫຼ່ງທຶນແລ້ວເຫັນວ່າ: ການລົງທຶນຕົວຈິງຈາກປະເທດລຽບຕາມ “ໜຶ່ງແລວໜຶ່ງເສັ້ນທາງ”, ອາຊຽນ ແລະ ສະຫະພາບເອີຣົບ ຕ່າງກໍໄດ້ເພີ່ມຂຶ້ນ 58,2%, 60% ແລະ 7,5% ຕາມລຳດັບ. ເມື່ອສັງເກດຈາກຂະແໜງການແລ້ວເຫັນວ່າ: ການດຶງດູດການລົງທຶນຂອງຕ່າງປະເທດຕົວຈິງຂອງຂະແໜງການບໍລິການໃນຈີນໄດ້ເພີ່ມຂຶ້ນຢ່າງຈະແຈ້ງ. ຂະແໜງເຕັກນິກຂັ້ນສູງແລະໃໝ່ໄດ້ເພີ່ມຂຶ້ນຫຼາຍກວ່າ 30%. ໃນນັ້ນ, ຂະແໜງການບໍລິການເຕັກນິກຂັ້ນສູງແລະໃໝ່ໄດ້ເພີ່ມຂຶ້ນ 43,9%.