ວັນທີ 18 ເມສານີ້, ກອງປະຊຸມປະຈຳປີ 2021 ຂອງເວທີປຶກສາຫາລືອາຊີໂປອາວພາຍໃຕ້ຫົວຂໍ້ “ການປ່ຽນແປງຄັ້ງໃຫຍ່ຂອງໂລກ: ຮ່ວມກັນບໍລິຫານໂລກໃຫ້ເຂັ້ມແຂງ ແລະສ້າງ “ໜຶ່ງແລວໜຶ່ງເສັ້ນທາງ” ໃຫ້ມີຄວາມຄືບໜ້າ” ໄດ້ຈັດຂຶ້ນຢູ່ແຂວງໄຫຫຼຳສປ ຈີນ. ໃນມື້ດຽວກັນ, ເວທີປຶກສາຫາລືອາຊີໂປອາວໄດ້ເຜີຍແຜ່ບົດລາຍງານສຳຄັນ 2 ສະບັບໂດຍຊີ້ໃຫ້ເຫັນວ່າ: ເສດຖະກິດອາຊີອາດຈະເຕີບໂຕຄືນໃນປີ 2021 ແລະຈັງຫວະການເຕີບໂຕອາດຈະລື່ນກາຍ 6,5%.
ໃນມື້ທຳອິດຂອງກອງປະຊຸມຖະແຫຼງຂ່າວມື້ທຳອດ, ໄດ້ເຜີຍແຜ່ບົດລາຍງານສຳຄັນສອງສະບັບ ຄື: “ອາຊີ ແລະໂລກທີ່ພັດທະນາແບບຍືນຍົງ” ແລະ “ວິໄສທັດ ແລະຂະບວນການເຊື່ອມໂຍງເສດຖະກິດອາຊີເປັນອັນໜຶ່ງອັນດຽວກັນ”. ໃນນັ້ນ, “ວິໄສທັດ ແລະຂະບວນການເຊື່ອມໂຍງເປັນອັນໜຶ່ງອັນດຽວກັນເສດຖະກິດອາຊີ 2021" ໄດ້ຊີ້ໃຫ້ເຫັນວ່າ: ພາຍໃຕ້ສະພາບການແຜ່ລະບາດຂອງພະຍາດໂຄວິດ-19, ແຕ່ເສດຖະກິດອາຊີຍັງເຕີບໂຕດີກວ່າເຂດແຄວ້ນອື່ນໆຂອງໂລກ. ທ່ານຫຼີປາວຕຸ່ງ ເລຂາທິການໃຫຍ່ຂອງເວທີປຶກສາຫາລືອາຊີໂປອາວໄດ້ແນະນຳວ່າ: ໃນປີ 2021, ສະພາບການແຜ່ລະບາດຂອງພະຍາດໂຄວິດ-19 ຍັງຈະເປັນປັດໄຈສຳຄັນໃນການສົ່ງຜົົນກະທົບໂດຍກົງຕໍ່ເສດຖະກິດອາຊີ, ແຕ່ວ່າໄປຄຽງຄູ່ກັບບາງກຸ່ມເສດຖະກິດໃນອາຊີພວມດຳເນີນແຜນການສັກຢາວັກຊີນຂະໜາດໃຫຍ່, ເຊິ່ງຈະຊ່ວຍເຮັດໃຫ້ຄວາມອາດສາມາດໃນການຄວບຄຸມພະຍາດໂຄວິດ-19 ໄດ້ນັ້ນສືບຕໍ່ເພີ່ມຂຶ້ນຢ່າງບໍ່ຢຸດຢັ້ງ. ຄາດວ່າໃນປີ 2021, ຈັງຫວະການຟື້ນຟູເສດຖະກິດຂອງອາຊີຈະໄວຂຶ້ນ, ຈັງຫວະການເຕີບໂຕອາດຈະບັນລຸແຕ່ 6,5% ຂຶ້ນໄປ. ຂໍ້ລິເລີ່ມ “ໜຶ່ງແລວໜຶ່ງເສັ້ນທາງ” ຂອງຈີນເຊື່ອມຕໍ່ກັບ “ແຜນແມ່ບົດວ່າດ້ວຍການເຊື່ອມໂຍງເຊື່ອມຈອດກັນຂອງອາຊຽນຮອດປີ 2025” ກໍຄືການສ້າງສະຫະພັນເສດຖະກິດເອີຣົບ-ອາຊີ ແລະຂໍ້ລິເລີ່ມການເຊື່ອມໂຍງເຊື່ອມຈອດກັນຂອງພາກພື້ນ ກໍຄືທົ່ວໂລກ ແລະອື່ນໆຢ່າງເຂັ້ມແຂງ ເຊິ່ງມີຄວາມໝາຍສຳຄັນທີ່ສຸດຕໍ່ການຮ່ວມມືດ້ານເສດຖະກິດ-ການຄ້າ, ການຟື້ນຟູ ແລະການພັດທະນາເສດຖະກິດຢູ່ພາກພື້ນພາຍຫຼັງການແຜ່ລະບາດຂອງພະຍາດໂຄວິດ-19.