ຂ້ອຍຢາກເປັນເຈົ້າ---ນາງ ໝ້າຢີິ້ຈ່ຽງ: ນຳເອົານ້ຳໃຈມູນເຊື້ອຂອງຊານິພີສົ່ງຕໍ່ຄົນອື່ນໃຫ້ຫຼາຍຂຶ້ນ

ປີນີ້ ນາງໝ້າຢີ້ຈ່ຽງ（Mayijiang）ມີອາຍຸ 26 ປີ, ເປັນຄົນເມີງຈື້（Mengzi）, ໃນປີທີສອງຫຼັງຈາກທີ່ຮຽນຈົບຈາກມະຫາວິທະຍາໄລ, ນາງເປັນຜູ້ທີ່ຮຽນວິຊາການກະຈາຍສຽງໄດ້ມາຮອດຊານິພີ（Chanipi）ທີ່ຕັ້ງຢູ່ເມີງຈື້ ເຊິ່ງເປັນສະຖານທີ່ຈັດກອງປະຊຸມໃຫຍ່ພັກກອມມູນິດຈີນຢຸນນານຄັ້ງທຳອິດ, ຫຼັງຈາກນັ້ນກໍໄດ້ກາຍເປັນນັກບັນຍາຍຜູ້ໜຶ່ງ.

4 ປີຜ່ານມານີິ້, ເລື່ອງບຸກຄົນທີ່ເຮັດໃຫ້ ໝ້າຢີ້ຈ່ຽງ ຮູ້ສຶກປະທັບໃຈຢ່າງເລິກເຊິ່ງທີ່ສຸດ ກໍແມ່ນ ວິລະຊົນ ທ່ານນາງ ອູເສີງ. ໝ້າຢີ້ຈ່ຽງ ແນະນຳວ່າ, ທ່ານນາງ ອູເສີງ ເປັນຜູ້ນຳໜ້າຂອງຂະບວນການລັດທິກອມມູນິດແຂວງຢຸນນານ ຂະບວນການຊາວໜຸ່ມ ຂະບວນການແມ່ຍິງ ເປັນຜູ້ຍິງຄົນທຳອິດທີ່ເຂົ້າເປັນສະມາຊິກຂອງພັກກອມມູນິດຈີນແຂວງຢຸນນານ. ນາງ ແລະ ຄົນຮັກ ທ່ານ ຫຼີ້ກົວຈູ້（Liguozhu）ໄດ້ຮ່ວມກັນ, ເຜີຍແຜ່ແນວຄິດກ້າວໜ້າຂອງລັດທິມາກ, ຈັດຕັ້ງເຂົ້າຮ່ວມເຄື່ອນໄຫວການປະຕິວັດ.

ລະດູໜາວ ປີ 1930, ອູເສີງ ກັບຄົນຮັກຖືກຈັບ, ເຖິງວ່ານາງໄດ້ຖືພາໃນເວລາທີ່ເຂົ້າຄຸກ, ແຕ່ ນາງ ກໍບໍ່ໄດ້ເອົາຊີວິດຂອງຕົນເປັນເລື່ອງສຳຄັນ, ຍັງສືບຕໍ່ໃຫ້ກຳລັງໃຈໝູ່ເພື່ອນນັກຮົບທີ່ຕໍ່ສູ້ຮ່ວມກັນຢ່າງຕັ້ງໜ້າ, ແລະ ເສຍສະຫຼະຊີວິດໃນອາຍຸພຽງແຕ່ 30 ປີ.

ໝ້າຢີ້ຈ່ຽງ ເວົ້າວ່າ, ໃນເວລາທີ່ເລີ່ມດຳເນີນວຽກບັນຍາຍ, ເມື່ອບໍ່ສາມາດຈື່ຄຳບັນຍາຍໄດ້ ເຮັດໃຫ້ນາງທໍ້ແທ້ໃຈຫຼາຍ, ນາງມັກຮ້ອງໄຫ້ນ້ຳຕາໄຫຼເລື້ອຍໆ, ຍ້ອນເສົ້າໃຈຫຼາຍຈຶ່ງຈີກເຈ້ຍບົດຄຳບັນຍາຍຖິ້ມ. “ຫຼັງຈາກນັ້ນຂ້ອຍບອກຕົນເອງ, ນັກຮົບຜູ້ເພິ່ນເສຍສະຫຼະຊີວິດ ເພິ່ນຍັງບໍ່ຢ້ານ, ຊຳ່ນີ້ບໍ່ເປັນຫຍັງ.” ດ້ວຍເຫດນີ້, ໝ້າຢີ້ຈ່ຽງ ຈຶ່ງເອົາຊະນະຄວາມຫຍຸ້ງຍາກ, ຮຽນຮູ້ຕໍ່ໄປ, ມາຮອດປັດຈຸບັນນີ້, ໂດຍອິງຕາມຄວາມຕ້ອງການທີ່ແຕກຕ່າງກັນຂອງຜູ້ຊົມ ນາງສາມາດບັນຍາຍແບບປະສົມປະສານໄດ້, ຜູ້ຊົມຫຼາຍຄົນທີ່ຟັງບັນຍາຍຂອງນາງລ້ວນແຕ່ເວົ້າວ່າ “ເຈົ້າບັນຍາຍໄດ້ດີ, ພວກເຮົາມາເທື່ອໜ້າ, ຍັງຈະມາຫາເຈົ້າ.”

ນາງ ໝ້າຢີ້ຈ່ຽງ ເວົ້າວ່າ, ການທົບທວນຄືນປະຫວັດສາດທຸກຄັ້ງ, ກໍຮູ້ສຶກມີຄວາມປະທັບໃຈຢ່າງເລິກເຊິ່ງຕໍ່ຄວາມຍິ່ງໃຫຍ່ຂອງຄົນລຸ້ນກ່ອນຫຼາຍກວ່າເກົ່າ. “ຄວາມເຊື່ອໝັ້ນຢ່າງໜັກແໜ້ນ, ບໍ່ເຫັນແກ່ຕົວ ແລະ ບໍ່ຢ້ານກົວ” ນີ້ແມ່ນນ້ຳໃຈມູນເຊື້ອທີ່ຮຽນນຳ ທ່ານ ນາງ ອູເສີງ. ໃນໃຈຂອງ ໝ້າຢີ້ຈ່ຽງ ມີຄວາມຫວັງວ່າ ຢາກເຂົ້າເປັນສະມາຊິກຂອງພັກກອມມູນິດຈີນຫຼາຍ. “ຂ້ອຍຢາກເປັນຄົນທີ່ມີຄວາມໂດດເດັ່ນກວ່າເກົ່າ. ຂ້ອຍຢາກເປັນສະມາຊິກຂອງພັກກອມມູນິດຈີນຜູ້ໜຶ່ງທີ່ດີເລີດ.” ນາງເວົ້າວ່າ. ໃນອະນາຄົດ, ນາງຫວັງວ່າຈະສາມາດນຳເອົານ້ຳໃຈມູນເຊື້ອຂອງຊານິພີສົ່ງຕໍ່ໃຫ້ຄົນອື່ນໄດ້ຫຼາຍຂຶ້ນ.

ມາຈາກ: ໜັງສືພິມລາຍວັນຂອງຢຸນນານ

ນັກຂ່າວ: ຫຼິວຈືຢີ