ກຳປູເຈຍສົ່ງອອກໝາກມ່ວງສົດສູ່ຕະຫຼາດຈີນເປັນຄັ້ງທຳອິດ
ພິທີສົ່ງອອກໝາກມ່ວງສົດກຳປູເຈຍສູ່ຕະຫຼາດຈີນຄັ້ງປະຖົມມະລືກໄດ້ຈັດຂຶ້ນຢູ່ນະຄອນຫຼວງພະນົມເປັນປະເທດກຳປູເຈຍໂດຍຜ່ານທາງອອນລາຍແລະອັອຟລາຍ.
ທ່ານວາງເວີນທຽນ ເອກອັກຄະລັດຖະທູດຈີນປະຈຳກຳປູເຈຍໄດ້ກ່າວຄຳປາໄສໂດຍຜ່ານທາງວິດີໂອວ່າ: ເຊື່ອວ່າ, ພາຍໃຕ້ຄວາມພະຍາຍາມຮ່ວມຂອງສອງຝ່າຍ, ຈະມີຜະລິດຕະພັນກຳສິກຳທີ່ມີຄຸນນະພາບສູງຂອງກຳປູເຈຍສົ່ງໄປຂາຍຢູ່ຕະຫຼາດຈີນນັບມື້ນັບຫຼາຍຂຶ້ນ, ການຮ່ວມມືດ້ານກະສິກຳຈີນ-ກຳປູເຈຍກໍຈະກ້າວຂຶ້ນສູ່ລະດັບໃໝ່ ເຊິ່ງເປັນການຊ່ວຍຊຸກຍູ້ໃຫ້ຄູ່ຮ່ວມຊາຕາກຳຈີນ-ກຳປູເຈຍພັດທະນາຢ່າງຮອບດ້ານ.
ເດືອນມິຖຸນາປີ 2020, ຈີນ ແລະ ກຳປູເຈຍໄດ້ເຊັນສັນຍາ ແລະ ແລກປ່ຽນອະນຸສັນຍາກວດກາພືດປະເພດໝາກມ່ວງເພື່ອສົ່ງອອກສູ່ຕະຫຼາດຈີນ. ວັນທີ 26 ເມສາປີ 2021, ອົງການພາສີຈີນໄດ້ເປີດເຜີຍບັນຊີລາຍຊື່ສວນໝາກມ່ວງ ແລະ ໂຮງງານຫຸ້ມຫໍ່ໝາກມ່ວງຂອງກຳປູເຈຍ ສຳລັບໝາກມ່ວງທີ່ຈະສົ່ງໄປຂາຍຢູ່ຕະຫຼາດຈີນຢ່າງເປັນທາງການ. ໝາກມ່ວງໄດ້ກາຍເປັນໝາກໄມ້ສົດຊະນິດທີ 2 ຂອງກຳປູເຈຍ ທີ່ສາມາດສົ່ງໄປຂາຍຢູ່ຕະຫຼາດຈີນໂດຍກົງຂອງກຳປູເຈຍ ເຊິ່ງຮອງຈາກໝາກກ້ວຍ.