ໝາກເຊີຣີໃຫຍ່ທີ່ມີເນື້ອທີ່ 7000 ກວ່າມູ້ຢູ່ເມືອງຫຼູ້ຕ້ຽນສຸກແລ້ວ ແລະ ເຂົ້າຈຳໜ່າຍໃນຕະຫຼາດ

ມື້ມໍ່ໆມານີ້, ໝາກເຊີຣີໃຫຍ່ ທີ່ມີເນື້ອທີ່ 7000 ກວ່າມູ້ (ປະມານ 460 ກວ່າເຮັກຕາ) ຢູ່ເມືອງຫຼູ້ຕ້ຽນໄດ້ສຸກແລ້ວ ແລະ ເຂົ້າຈຳໜ່າຍໃນຕະຫຼາດ, ດຶງດູດນັກທ່ອງທ່ຽວຈຳນວນຫຼາຍມາສວນເພື່ອເກັບ, ຊິມໝາກເຊີຣີ ແລະ ທ່ຽວຫຼິ້ນ.

ທ່ານ ນາງຈ່າງ ນັກທ່ອງທ່ຽວທີ່ມາແຕ່ເມືອງຕ້າກວ່ນ ເວົ້າວ່າ “ພວກເຮົາເປັນລູກຄ້າເກົ່າຂອງສວນໝາກສີຄຳ, ໝາກເຊີຣີໃຫຍ່ທີ່ປູກຢູ່ທີ່ນີ້ມີຄຸນນະພາບດີ, ລົດຊາດຫວານຫຼາຍ, ສະພາບແວດລ້ອມອ້ອມຂ້າງກໍດີ, ຄອບຄົວຂອງຂ້ອຍທ່ຽວຫຼິ້ນຢູ່ທີ່ນີ້ມີຄວາມສຸກຫຼາຍ.”

ທ່ານ ຈິ່ງຊວນ ຜູ້ຮັບຜິດຊອບສວນແນະນຳວ່າ “ໝາກເຊີຣີໃຫຍ່ມີຫຼາຍເຖິງສິບກວ່າຊະນິດ, ໄລຍະເວລາຂອງການເກັບຈະມີເຖິງກາງເດືອນມິຖຸນາ, ຫວັງວ່າໝາກເຊີຣີໃຫຍ່ທີ່ຢູ່ໃນສວນນີ້ຈະສ້າງລາຍໄດ້ເຖິງ 4 ແສນຢວນໃນປີນີ້.” ສວນນຳໃຊ້ຝຸ່ນທຳມະຊາດຕະຫຼອດມາ, ການຕັດແຕ່ງດອກ ແລະ ຕົ້ນແບບວິທະຍາສາດ, ໝາກທີ່ໄດ້ບໍ່ພຽງແຕ່ໄດ້ໝາກໜ່ວຍໃຫຍ່, ມີນ້ຳພຽງພໍ, ລົດຊາດກໍຍັງດີ.

ອິງຕາມການແນະນຳ, ໃນປັດຈຸບັນນີ້ ເນື້ອທີ່ປູກໝາກເຊີຣີໃຫຍ່ຂອງເມືອງຫຼູ້ຕ້ຽນ ມີເຖິງ 460 ກວ່າເຮັກຕາ, ບັນລຸຜົນຜະລິດ 500 ກວ່າໂຕນໃນປີກາຍນີ້, ໝາກໄມ້ໄດ້ຈຳໜ່າຍໄປໄກຮອດເມືອງຕ້າຫຼີ້, ນະຄອນຈົງກິ່ງ, ແຂວງເຈີຈ່ຽງ, ແຂວງກວາງຕຸ້ງແລະ ອື່ນໆ, ມູນຄ່າການຜະລິດ 15 ລ້ານຢວນ, ຊາວສວນຜູ້ປູກໝາກໄມ້ພັນກວ່າຄອບຄົວໄດ້ຮັບຜົນປະໂຫຍດ.

ມາຈາກ:ເວັບໄຊຢຸນນານ

ນັກຂ່າວ:ເສິນຊູ້ນ ຫຼີ້ຊຽວ ໂສວຈູ້