ງານວາງສະແດງເຄື່ອງອຸປະໂພກບໍລິໂພກສາກົນຈີນຄັ້ງທຳອິດໄດ້ອັດລົງໃນວັນທີ 10 ພຶດສະພານີ້ຢູ່ນະຄອນໄຫໂຂ້ ເທດສະບານແຂວງໄຫຫຼຳ. ງານວາງສະແດງຄັ້ງນີ້ໄດ້ວາງສະແດງເຄື່ອງອຸປະໂພກບໍລິໂພກທີ່ມີຄຸນນະພາບດີຕໍ່ໂລກຢ່າງຫຼວງ ຫຼາຍໃຫ້ແກ່ໂລກ ທັງເປັນການສ້າງເວທີທີ່ດີໃຫ້ກັບເຄື່ອງອຸປະໂພກບໍລິໂພກພາຍໃນປະເທດເພື່ອກ້າວເຂົ້າສູ່ຕະຫຼາດສາກົນ. ຕາມຕົວເລກສະຖິຕິເບື້ອງຕົ້ນ, ວິສາຫະກິດທີ່ໄດ້ເຂົ້າຮ່ວມງານຄັ້ງນີ້ມີຫຼາຍກວ່າ 80% ມີເຈດຈຳນົງທີ່ຈະມາເຂົ້າຮ່ວມງານຄັ້ງທີສອງ, ຄາດວ່າບ່ອນວາງສະແດງໃນງານຄັ້ງທີສອງຈະຖືກຈອງຢ່າງຄຶກຄື້ນ.
ຕອນບ່າຍວັນທີ 10 ພຶດສະພານີ້, ທ່ານຫານເຊີ້ງຈ້ຽນ ຫົວໜ້າອົງການພັດທະນາເສດຖະກິດສາກົນໄຫຫຼຳກ່າວຕໍ່ສື່ມວນຊົນວ່າ: ງານວາງສະແດງຄັ້ງນີ້ມີວິສາຫະກິດ 1505 ແຫ່ງຈາກ 70 ປະເທດແລະເຂດແຄ້ວນ ແລະຍີ່ຫໍ້ເຄື່ອງອຸປະໂພກບໍລິໂພກ 2628 ຍີ່ຫໍ້ເຂົ້າຮ່ວມ, ໄດ້ຈັດກິດຈະກຳ 130 ກວ່າເທື່ອດ້ວຍຫຼາຍຮູບແບບ ເຊັ່ນ: ການນຳສະເໜີເຄື່ອງອຸປະໂພກບໍລິໂພກທີ່ແມ່ນຜະລິດຕະພັນໃໝ່, ການຕິດຕໍ່ພົວພັນການຈັດຊື້, ການໂຄສະນາຂະແໜງການແລະອື່ນໆ. ຈຳນວນນັກທຸລະກິດທີ່ມາຈັດຊື້ສິນຄ້າຕ່າງໆແລະຜູ້ເຂົ້າຊົມວິຊາການມີຫຼາຍກວ່າ 30.000 ຄົນ, ຜູ້ເຂົ້າຊົມທັງໝົດມີຫຼາຍກວ່າ 240.000 ເທື່ອຄົນ.
ທ່ານຫານເຊີ້ງຈ້ຽນກ່າວວ່າ: ເກາະໄຫຫຼຳພວມວາງແຜນການສ້າງໂຄງການ “ສູນເຄື່ອງອຸປະໂພກບໍລິໂພກຂັ້ນສຸດຍອດຂອງໂລກ” ເຊິ່ງໄດ້ຮັບຄວາມສົນໃຈຢ່າງກວ້າງຂວາງຈາກວິສາຫະກິດທັງພາຍໃນແລະຕ່າງປະເທດ. ໂຄງການນີ້ຈະປະສານສົມທົບກັບທ່າແຮງດ້ານນະໂຍບາຍຂອງທ່າການຄ້າເສລີໄຫຫຼຳທີ່ປອດພາສີ, ອັດຕາພາສີຕ່ຳ ແລະເສລີກວ່າ, ທ່າແຮງທີ່ຕັ້ງໃນຂອບ “ໜຶ່ງແລວໜຶ່ງເສັ້ນທາງ” ແລະທ່າແຮງພິເສດທີ່ມຸ່ງໜ້າສູ່ໂລກແລະການຊ່ວຍໜູນຈາກຕະຫຼາດໃຫຍ່ຂອງຈີນ, ຈະສ້າງເປັນເວທີຊື້ຂາຍຕະຫຼອດປີໃຫ້ກັບເຄື່ອງອຸປະໂພກບໍລິໂພກຂັ້ນສຸດຍອດທັງພາຍໃນແລະຕ່າງປະເທດ ເພື່ອຕອບສະໜອງຕາມຄວາມຮຽກຮ້ອງຕ້ອງການຂອງວິສາຫະກິດແລະຍີ່ຫໍ້ທົ່ວໂລກຈະມາເຂົ້າຮ່ວມງານແລະຊື້ຂາຍກັນ.