ວັນທີ 11 ພຶດສະພານີ້, ອົງການມໍລະດົກວັດທະນະທຳແຫ່ງຊາດຈີນໄດ້ເຊັນ “ຖະແຫຼງການຮ່ວມວ່າດ້ວຍການອະນຸລັກມໍລະດົກວັດທະນະທຳອາຊີ” ກັບກະຊວງຂໍ້ມູນຂ່າວສານ ແລະວັດທະນະທຳອັຟການິສະຖານ, ອົງການມໍລະດົກ ແລະວັດທະນະທຳແຫ່ງຊາດປາກິດສະຖານ, ສາມປະເທດຈະດຳເນີນການຮ່ວມມືຕົວຈິງໃນຫຼາຍຂົງເຂດ ເຊັ່ນ: ຮ່ວມກັນຄົ້ນຄວ້າບູຮານນະຄະດີ, ອະນຸລັກ ແລະປະຕິສັງຂອນມໍລະດົກວັດທະນະທຳ, ມໍລະດົກໂລກ, ການແລກປ່ຽນບົດຮຽນດ້ານການວາງສະແດງຢູ່ຫໍພິພິທະພັນ, ປ້ອງກັນການຄ້າ ແລະຂົນສົ່ງວັດຖຸບູຮານຢ່າງຜິດກົດໝາຍ, ຝຶກອົບຮົມບຸກຄະລາກອນ ແລະອື່ນໆ. ນີ້ເປັນເທື່ອທຳອິດທີ່ປະເທດອາຊີໄດ້ເຊັນເອກະສານການຮ່ວມມືສອງຝ່າຍກ່ຽວກັບ “ການເຄື່ອນໄຫວອະນຸລັກມໍລະດົກວັດທະນະທຳອາຊີ”.
ທ່ານຫຼີຊຸນ ຫົວໜ້າອົງການມໍລະດົກວັດທະນະທຳແຫ່ງຊາດຈີນໄດ້ໃຫ້ຮູ້ວ່າ: ໃນເດືອນຕຸລາປີນີ້, ຈີນຍັງຈະຈັດ “ກອງປະຊຸມສົນທະນາກ່ຽກວັບການອະນລັກມໍລະດົກວັດທະນະທຳອາຊີ” ຢູ່ນະຄອນຫຼວງປັກກິ່ງ ເຊິ່ງຈະກຳນົດຂໍ້ລິເລີ່ມກ່ຽວກັບແຜນດຳເນີນການເຄື່ອນໄຫວອະນຸລັກມໍລະດົກວັດທະນະທຳອາຊີຮ່ວມກັນ, ລິເລີ່ມໃຫ້ສ້າງຕັ້ງສະຫະພັນອະນຸລັກມໍລະດົກວັດທະນະທຳອາຊີ ແລະກອງທຶນອະນຸລັກມໍລະດົກວັດທະນະທຳອາຊີ.