ແຂວງອຸດົມໄຊໄດ້ມອບໃບຍ້ອງຍໍໃຫ້ກັບໜ່ວຍງານຊ່ຽວຊານແພດໝໍຈີນທີ່ໄປ ຊ່ວຍເຫຼືອປະເທດລາວຕ້ານກັບພະຍາດໂຄວິດ-19
2021-05-13 17:31:00 |ມາຈາກ: CRI
ວັນທີ 11 ພຶດສະພານີ້, ເພື່ອຍ້ອງຍໍຊົມເຊີຍແລະສະແດງຄວາມຂອບໃຈນຳໜ່ວຍງານຊ່ຽວຊານແພດໝໍຈີນທີ່ໄດ້ໄປຊ່ວຍເຫຼືອລາວຕ້ານກັບພະຍາດໂຄວິດ-19 ທີ່ໄດ້ປະກອບສ່ວນອັນສຳຄັນເຂົ້າໃນການປ້ອງກັນແລະຄວບຄຸມພະຍາດຢູ່ແຂວງອຸດົມໄຊ, ແຂວງອຸດົມໄຊຈຶ່ງຕົກລົງມອບໃບຍ້ອງຍໍໃຫ້ກັບໜ່ວຍງານຊ່ຽວຊານແພດໝໍດັ່ງກ່າວ.
ໂດຍຕອບສະໜອງຕາມຄວາມຮຽກຮ້ອງຕ້ອງການຂອງປະເທດລາວ, ຕອນເຊົ້າວັນທີ 9 ພຶດສະພານີ້, ໜ່ວຍງານຊ່ຽວຊານແພດໝໍຈີນໄດ້ເດີນທາງໄປແຂວງທາງພາກເໜືອຂອງລາວຢ່າງຮີບດ່ວນ ເພື່ອໃຫ້ການຮ່ວມມືຕ້ານກັບພະຍາດ. ໜ່ວຍງານຊ່ຽວຊານແພດໝໍຈີນໄດ້ແບ່ງເປັນສອງໜ່ວຍງານ, ໜ່ວຍງານໜຶ່ງໄດ້ໄປເຖິງແຂວງອຸດົມໄຊ ແລະອີກໜ່ວຍງານໜຶ່ງໄດ້ໄປແຂວງຫຼວງພະບາງແລະແຂວງບໍ່ແກ້ວ.