ຂະໜາດຂອງຕະຫຼາດຊຸດເຄື່ອງນຸ່ງຊົນເຜົ່າຮັ້ນທີ່ຈີນມີມູນຄ່າຫຼາຍກວ່າ 10 ຕື້ຢວນ

ປັດຈຸບັນນີ້,ຊຸດເຄື່ອງນຸ່ງຈີນຊົນເຜົ່າຮັ້ນ ໄດ້ຮັບຄວາມມັກຮັກຫຼາຍຈາກຊາວໜຸ່ມຈຳນວນບໍ່ໜ້ອຍ, ການນຸ່ງຊຸດເຄື່ອງນຸ່ງຈີນຊົນເຜົ່າຮັ້ນໄປທ່ຽວຫຼິ້ນກໍໄດ້ກາຍເປັນແຟຊັນ.

ເມືອງສາວ（Cao）ແຂວງຊານຕົ່ງ, ມີຮ້ານຄ້າທີ່ເປັນຕ່ອງໂສ້ອຸດສາຫະກຳຊຸດເຄື່ອງນຸ່ງຈີນຊົນເຜົ່າຮັ້ນ 2000 ກວ່າແຫ່ງ，ມູນຄ່າຈຳໜ່າຍຊຸດເຄື່ອງນຸ່ງຈີນຊົນເຜົ່າຮັ້ນແບບດັ້ງເດີມກວມເອົາມູນຄ່າຈຳໜ່າຍໜຶ່ງສ່ວນສາມຂອງຕະຫຼາດປະເພດດຽວກັນໃນທົ່ວປະເທດ, ໂຮງງານຜະລິດຊຸດເຄື່ອງນຸ່ງຈີນຊົນເຜົ່າຮັ້ນໃນທ້ອງຖິ່ນບໍ່ສາມາດຕອບສະໜອງໄດ້ຢ່າງພຽງພໍ່.

ໃນທ້ອງຖິ່ນເມືອງສາວ ຮ້ານຂາຍຊຸດເຄື່ອງນຸ່ງຈີນເຜົ່າຮັ້ນທຸກຮ້ານ ກໍມີຮ້ານຂາຍເຄື່ອງອອນລາຍສອງຮ້ານຂຶ້ນໄປ. ຍ້ອນວັດທະນະທຳຊຸດເຄື່ອງນຸ່ງຈີນຊົນເຜົ່າຮັ້ນໄດ້ຮັບການປະຊາສຳພັນດີ, ຕະຫຼາດຊຸດເຄື່ອງນຸ່ງຈີນຊົນເຜົ່າຮັ້ນທີ່ລາຄາບໍ່ແພງມີການພັດທະນາຢ່າງວ່ອງໄວ. ໂດຍສະເພາະແມ່ນເລີ່ມຈາກປີນີ້, ຜົນກະທົບຂອງພະຍາດລະບາດຕໍ່ຕະຫຼາດມີການຫຼຸດຜ່ອນລົງຫຼາຍ，ການຈຳໜ່າຍກໍດີຂຶ້ນ.

“ທຽບໃສ່ປີິ 2020 ສະພາບການດີຂຶ້ນຫຼາຍ, ປີນີ້ຮ້ານໜຶ່ງສະເລ່ຍທຸກເດືອນກໍມີມູນຄ່າຈຳໜ່າຍປະມານສາມແສນກວ່າຢວນ”, ແບບຊຸດທີ່ນິຍົມກໍຂາຍໝົດເລື້ອຍໆ，ພ້ອມກັນນັ້ນຊຸດເຄື່ອງນຸ່ງຈີນຊົນເຜົ່າຮັ້ນທີ່ຂາຍດີກໍສະແດງອອກໃນຈຳນວນການຈັດສົ່ງເຄື່ອງດ່ວນ ເຊິ່ງມີການຈັດສົ່ງເພີ່ມຂຶ້ນ “ໃນປັດຈຸບັນນີ້ຈຳນວນການຈັດສົ່ງເຄື່ອງດ່ວນຂອງຊຸດເຄື່ອງນຸ່ງຈີນຊົນເຜົ່າຮັ້ນມີການເພີ່ມຂຶ້ນ 30%-40% ໃນທຸກປີ”. ບົດລາຍງານຂອງເດືອນມັງກອນປີນີ້ ລາຍງານວ່າ, ຂະໜາດຈຳນວນ ແລະ ຂະໜາດຕະຫຼາດຂອງຜູ້ມັກຮັກຊຸດເຄື່ອງນຸ່ງຈີນຊົນເຜົ່າຮັ້ນມີການເຕີບໃຫຍ່ຢ່າງວ່ອງໄວ, ຄາດວ່າຂະໜາດຈຳນວນຄົນທີ່ມັກຮັກຊຸດເຄື່ອງນຸ່ງຈີນຊົນເຜົ່າຮັ້ນຈະມີເຖິງ 6,894 ລ້ານຄົນ, ຂະໜາດຈຳໜ່າຍຂອງຕະຫຼາດຈະມີເຖິງ 10,16 ຕື້ຢວນ.