ນັກຂ່າວປະຈຳ ສປ ຈີນ ເດີນທາງມາຢ້ຽມຢາມແຂວງຢຸນນານ : ປະທັບໃຈໃນ “ໂລກທີ່ເຕັມໄປດ້ວຍດອກໄມ້ຫຼາກຫຼາຍ”

ຕອນບ່າຍຂອງວັນທີ 17 ເດືອນພຶດສະພາ, ບັນດານັກຂ່າວປະຈຳ ສປ ຈີນ ເຂົ້າຊົມສູນແລກປ່ຽນຊື້ຂາຍ ແລະ ປະມູນດອກໄມ້ສາກົນທີ່ນະຄອນຄຸນໝິງ（ຕໍ່ໄປນີ້ເອີ້ນຫຍໍ້ວ່າ “ສູນປະມູນດອກໄມ້ຄຸນໝິງ”）, ນັກຂ່າວທຸກທ່ານຮູ້ສຶກອັດສະຈັນໃຈເມື່ອພົບກັບ “ໂລກທີ່ເຕັມໄປດ້ວຍດອກໄມ້ຫຼາກຫຼາຍ” .

ປາລຽນນາ (Polina Silicheva) ມາຈາກຣັດເຊຍ, ເປັນນັກຂ່າວຂອງສູນການສື່ສານສາກົນໄຮນານ, ຄັ້ງນີ້ເປັນຄັ້ງທຳອິດຂອງນາງທີ່ມາແຂວງຢຸນນານ, ແຕ່ກໍໄດ້ຍິນຊື່ສຽງຂອງສູນປະມູນດອກໄມ້ຄຸນໝິງແຕ່ດົນແລ້ວ, ລາຍລະອຽດກ່ຽວກັບ ການປູກດອກໄມ້, ການຫຸ້ມຫໍ່ ການຈຳໜ່າຍ ແລະ ຖານຂໍ້ມູນ, ນາງກໍ່ຮັບຟັງຢ່າງຕັ້ງໃຈ. “ຂະໜາດໃຫຍ່, ມີການພັດທະນາຢ່າງວ່ອງໄວ”, ທຸກຂັ້ນຕອນຂ້ອຍຄິດວ່າໜ້າສົນໃຈຫຼາຍ, ຂ້ອຍກໍ່ຍັງໄດ້ຮູ້ວ່າດອກໄມ້ທີ່ນີ້ຈຳໜ່າຍໄປຮອດຣັດເຊຍ.”

ເສີນມູ້ຈຸນ ມາຈາກປະເທດໄທໄດ້ດຳລົງຊີວິດຢູ່ທີ່ຄຸນໝິງ 10 ປີແລ້ວ, ແຕ່ນີ້ຍັງເປັນຄັ້ງທຳອິດທີ່ໄດ້ເຂົ້າຊົມສູນປະມູນດອກໄມ້ຄຸນໝິງ. ໃນລະຫວ່າງການຊົມເບິ່ງ, ນາງເປີດໂທລະສັບ ບັນທຶກວິດີໂອສັ້ນອັນໜຶ່ງ. ເສີນມູ້ຈຸ່ນ ເວົ້າວ່າ “ຂ້ອຍຢາກແນະນຳໃຫ້ໝູ່ເພື່ອນຊາວເນັດຂອງປະເທດໄທຮູ້ວ່າເປັນຫຍັງຢູ່ທີ່ນີ້ຈຶ່ງຂາຍດອກໄມ້ສົດ 3 ລ້ານກວ່າກິ່ງໃນໜຶ່ງມື້ໄດ້. ດອກໄມ້ແຂວງຢຸນນານໄດ້ຈຳໜ່າຍໄປສູ່ປະເທດໄທ, ດອກໄມ້ຂອງປະເທດໄທກໍຜ່ານຕະຫຼາດໂຕວນານເຂົ້າສູ່ຕະຫຼາດຂອງຈີນ. ພາຍໃຕ້ສະພາບການດັ່ງກ່າວ, ຂ້ອຍຫວັງວ່າຜູ້ຂາຍດອກໄມ້ຂອງປະເທດໄທຕ້ອງຈັບໂອກາດຂອງເຕັກນິກໃໝ່ນີ້, ໃຫ້ດອກໄມ້ຂອງປະເທດໄທໄດ້ເຂົ້າມາປະເທດຈີນຫຼາຍຂຶ້ນກວ່າເກົ່າ.”

ຕາມການແນະນຳຂອງຜູ້ຮັບຜິດຊອບທີ່ກ່ຽວຂ້ອງຂອງສູນປະມູນດອກໄມ້ຄຸນໝິງ, ຈຳນວນສະເລ່ຍຕໍ່ມື້ຂອງການແລກປ່ຽນຊື້ຂາຍດອກໄມ້ສົດທີ່ສູນປະມູນດອກໄມ້ຄຸນໝິງ ມີເຖິງ 3- 4 ລ້ານກິ່ງ, ຊ່ວງບຸນ ແລະ ວັນພັກ ການແລກປ່ຽນຊື້ຂາຍຈະມີຈຳນວນຫຼາຍກວ່າ. ປີກາຍນີ້, ເຖິງແມ່ນວ່າໄດ້ຮັບຜົນກະທົບຈາກພະຍາດໂຄວິດ-19, ຈຳນວນລວມຂອງການປະມູນແລກປ່ຽນຊື້ຂາຍໝົດປີດຸ່ນດ່ຽງກັບປີ 2019 ,ຈຳນວນການແລກປ່ຽນຊື້ຂາຍ ປະມານ 1,5 ຕື້ ກິ່ງ, ມູນຄ່າການແລກປ່ຽນຊື້ຂາຍປະມານ 1,485 ຕື້ຢວນ.