ສຳເລັດວຽກການກໍ່ສ້າງເສັ້ນທາງຕາແສງໄພ້ ຫາ ເມືອງມໍ້ທໍ່ ນະຄອນລິນຈື ເຂດປົກຄອງຕົນເອງທິເບດ

ເວລາ 10 ໂມງ 16 ນາທີ ຂອງວັນທີ 16 ເດືອນພຶດສະພາ, ອຸໂມງປາກເສືອຂອງເສັ້ນທາງຕາແສງໄພ້（Pai）ເມືອງມີລິນ（Milin）ໄປຫາເມືອງມໍ້ທໍ່（Motuo）ຂອງນະຄອນລິນຈື ເຂດປົກຄອງຕົນເອງທິເບດໄດ້ສຳເລັດວຽກການກໍ່ສ້າງ（ຕໍ່ໄປເອີ້ນຫຍໍ້ວ່າ: ເສັ້ນທາງໄພ້ມໍ້ ）, ການກໍ່ສ້າງໄດ້ສຳເລັດລ່ວງໜ້າ 228 ມື້ ເມື່ອທຽບໃສ່ກຳນົດເວລາທີ່ວາງແຜນໄວ້, ເປັນສັນຍາລັກການສຳເລັດວຽກການກໍ່ສ້າງເສັ້ນທາງໄພ້ມໍ້ທີ່ກໍ່ສ້າງມາເກືອບ 7 ປີ（ຕາແສງໄພ້ໄປຮອດເມືອງມໍ້ທໍ່.

ເສັ້ນທາງໄພ້ມໍ້ ເປັນເສັ້ນທາງສຳຄັນເສັ້ນທີສອງທີ່ໄປຮອດເມືອງມໍ້ທໍ່, ມີຄວາມຍາວທັງໝົດ 67,67 ກິໂລແມັດ, ໂຄງການດັ່ງກ່າວເປີດການກໍ່ສ້າງໃນປີ 2014, ຕາມແຜນຈະສຳເລັດວຽກເປີດນຳໃຊ້ບໍລິການໃນທ້າຍປີ 2022. ເສັ້ນທາງນີ້ຜ່ານພູຫິມະຕົວຊອງລາ（Duoxiongla）,ຮ່ອມພູຢາຫຼູຊ້າງປູ້（Yaluzangbu）,ລຽບຕາມແມ່ນ້ຳຕົວຊອງ, ເຂດປາກເສືອ, ຈົນຮອດເປປາງ（Beibang）ເມືອງມໍ້ທໍ່, ໃນລະຫວ່າງການກໍ່ສ້າງມັກມີໄພທຳມະຊາດເກີດຂຶ້ນເລື້ອຍໆ, ແຕ່ພະນັກງານກໍ່ສ້າງກໍສາມາດເອົາຊະນະຄວາມຫຍຸ້ງຍາກລຳບາກຕ່າງໆ ແລະ ສຳເລັດໂຄງການຢ່າງສະດວກ.

ພາຍຫລັງເສັ້ນທາງສຳເລັດການກໍ່ສ້າງ ແລະ ເປີດນຳໃຊ້ບໍລິການ, ຄວາມຍາວຂອງເສັ້ນທາງຈາກນະຄອນລິນຈືໄປຮອດເມືອງມໍ້ທໍ່ ໃນເມື່ອກ່ອນແມ່ນ 346 ກິໂລແມັດ ກໍຫຍໍ້ລົງມາເຫຼືອພຽງແຕ່ 180 ກິໂລແມັດ, ຫຍໍ້ເວລາການເດີນທາງລົງປະມານ 8 ຊົ່ວໂມງ.

ມາຈາກ: ສຳນັກຂ່າວຊິນຮວາຂອງຈີນ

ນັກຂ່າວ: ຫຼິວຫົງໝິງ