ວັນທີ 19 ພຶດສະພານີ້, ທ່ານສີຈິ້ນຜິງ, ປະທານປະເທດຈີນແລະທ່ານວະລາດີເມຍ ປູຕີນ, ປະທານາທິບໍດີຣັດເຊຍ ໄດ້ເປັນສັກຂີພິຍານຮ່ວມກັນໃນພິທີເປີດໂຄງການຮ່ວມມືດ້ານພະລັງງານນິວເຄຼຍລະຫວ່າງສອງປະເທດຜ່ານທາງອອນລາຍ. ທ່ານສີຈິ້ນຜິງກ່າວວ່າ, ຈີນແລະຣັດເຊຍຈະສ້າງແລະເຮັດໃຫ້ເຕົາປະຕິມາກອນໂຮງໄຟຟ້າພະລັງງານນິວເຄຼຍ 4 ເຕົາທີ່ຈະເລີ່ມກໍ່ສ້າງໃນວັນທີ 19 ພຶດສະພານີ້ໜູນເດີນໄດ້ດີ ດ້ວຍຄຸນນະພາບສູງແລະມາດຖານສູງ, ເພື່ອເປັນແບບຢ່າງໃຫ້ກັບໂລກໃນຂົງເຂດຄວາມປອດໄພດ້ານພະລັງງານນິວເຄຼຍ.
ທ່ານສີຈິ້ນຜິງຍັງກ່າວວ່າ, ຫວັງໃຫ້ຈີນແລະຣັດເຊຍລົງເລິກການຮ່ວມມືຕ່າງໆ, ເຊັ່ນ: ການຄົ້ນຄວ້າຂົງເຂດພະລັງງານນິວເຄຼຍຂັ້ນພື້ນຖານ, ການຄົ້ນຄວ້າເຕັກນິກທີ່ເປັນຂໍກະແຈ, ການຫັນໝາກຜົນແຫ່ງການປະດິດສ້າງໃໝ່ໃຫ້ເປັນຮູບປະທຳແລະອື່ນໆ, ຊຸກຍູ້ໃຫ້ຂະແໜງການພະລັງງານນິວເຄຼຍກັບເຕັກນິກດີຈີຕອນລຸ້ນໃໝ່ສາມາດເຊື່ອມໂຍງເຂົ້າກັນໄດ້ຢ່າງເລິກເຊິ່ງ. ນອກນັ້ນ, ຈີນແລະຣັດເຊຍຄວນຊຸກຍູ້ການພັດທະນາແບບປະສານສົມທົບກັນໃນການແກ້ໄຂແລະຄຸ້ມຄອງພະລັງງານທົ່ວໂລກ, ຊຸກຍູ້ໂຄງການຮ່ວມມືກາກບອນຕ່ຳໃຫ້ຫຼາຍກວ່າເກົ່າ, ເພື່ອເສີມຂະຫຍາຍບົດບາດສ້າງສັນເຂົ້າໃນການບັນລຸເປົ້າໝາຍການພັດທະນາແບບຍືນຍົງຂອງໂລກ.