ນັກຂ່າວຕ່າງປະເທດປະຈຳ ສປ ຈີນດຳເນີນການສຳພາດກ່ຽວກັບແຂວງຢຸນນານ

ວັນທີ 17 ເດືອນພຶດສະພາ, ພິທີໄຂກິດຈະກຳໃນຫົວຂໍ້ “ນັກຂ່າວຕ່າງປະເທດປະຈຳ ສປ ຈີນເດີນທາງມາຢ້ຽມຢາມແຂວງຢຸນນານ” ໄດ້ຈັດຂຶ້ນໂດຍການເປັນເຈົ້າພາບຂອງຫ້ອງການອິນເຕີເນັດ ແລະ ຂໍ້ມູນຂ່າວສານ ຂອງຄະນະພັກແຂວງ, ແລະ ເປັນເຈົ້າການໂດຍເວັບໄຊປະຕູສູ່ຢຸນນານ (Yunnangateway) ຂອງກຸ່ມກິດຈະການໜັງສືພິມລາຍວັນຢຸນນານ ທີ່ ຮັບຜິດຊອບໂຄສະນາຕໍ່ຕ່າງປະເທດດ້ວຍຫຼາຍພາສາ. ຜູ້ເຂົ້າຮ່ວມການສຳພາດຄັ້ງນີ້ມີນັກຂ່າວຕ່າງປະເທດແລະ ສື່ມວນຊົນປະຈຳ ສປ ຈີນ ເຊັ່ນ ສຳນັກຂ່າວປາກິສະຖານ,ສຳນັກຂ່າວປະເທດລາວ, “ໜັງສືພິມປະຊາຊົນ” ຂອງຫວຽດນາມ, ສື່ມວນຊົນຈາກປະເທດຣັດເຊຍ, ປະເທດໄທ, ຍັງມີນັກຂ່າວມາຈາກສູນການສື່ສານສາກົນໄຮນານ ແລະ ສູນຂ່າວສານໂຊລຸນກາຂອງມົງໂກນໃນ. ກິດຈະກຳຄັ້ງນີ້ຈະສືບຕໍ່ຈັດຮອດວັນທີ 21 ເດືອນພຶດສະພາ.

ບັນດານັກຂ່າວຈະເດີນທາງໄປໄປສອງນະຄອນຄື ນະຄອນຄຸນໝິງ ແລະ ນະຄອນຢີ້ຊີ, ສຳຜັດຜົນສຳເລັດໃໝ່ຂອງຢຸນນານໃນການກໍ່ສ້າງສູນກະຈາຍທີ່ອວ່າຍໜ້າສູ່ອາຊີອາຄະເນ ແລະ ອາຊີໃຕ້ຂອງຈີນ, ບາດກ້າວໃໝ່ໃນການພັດທະນາຊົນນະບົດໃຫ້ຮຸ່ງເຮືອງ, ປະສິດທິຜົນໃໝ່ໃນດ້ານການກໍ່ສ້າງຄວາມສີວິໄລດ້ານນິເວດ ແລະ ການປົກປັກຮັກສາຊີວະນານາພັນ. ພວກເພິ່ນຈະໄປຢ້ຽມຢາມເຂດທົດລອງການຄ້າເສລີແຂວງຢຸນນານຂອງຈີນ ເຂດຄຸນໝິງ, ກຸ່ມບໍລິສັດຕົ້ງລີ້ຢຸນເນ້, ບໍລິສັດສາກົນຢຸນນານຕາຂ່າຍໄຟຟ້າພາກໃຕ້, ສູນປະມູນແລກປ່ຽນຊື້ຂາຍດອກໄມ້ສາກົນນະຄອນຄຸນໝິງ, ຖະໝົນຕ້າຢຸນເຈຍຂອງເມືອງຢີ້ຊີ, ບ້ານອູນຢາວຂອງຕາແສງຮວາໜີງ, ບ້ານໝ້າຝັງຂອງນະຄອນເສີງຈ່ຽງ ແລະ ອື່ນໆ.

ຫົວຂໍ້ທີ່ບັນດານັກຂ່າວສົນໃຈທີ່ສຸດໃນການເດີນທາງມາຢ້ຽມຢາມຄັ້ງນີ້ແມ່ນ ກອງປະຊຸມປະເທດພາຄີສົນທິສັນຍາ “ສົນທິສັນຍາວ່າດ້ວຍຊີວະນາໆພັນ” ຂອງອົງການສະຫະປະຊາຊາດຄັ້ງທີ 15 ທີ່ຈະໄຂຂຶ້ນໃນເດືອນຕຸລາທີ່ນະຄອນຄຸນໝິງ.

ມາຈາກ:ໜັງສືພິມລາຍວັນຢຸນນານ

ນັກຂ່າວ:ຫວັງຮວນ