ຄວາມສາມາດດຶງດູດການລົງທຶນຂອງຕ່າງປະເທດຢູ່ນະຄອນຊຽງໄຮ້ໄດ້ເພີ່ມຂຶ້ນຢ່າງຕໍ່ເນື່ອງ. ໃນພິທີມອບໃບທະບຽນໃຫ້ກັບສູນຄົ້ນຄວ້າພັດທະນາ ແລະສຳນັກງານສາຂາປະຈຳໃນພາກພື້ນຂອງບໍລິສັດຂ້າມຊາດຊຸດທີ 34 ໄດ້ຈັດຂຶ້ນຢູ່ນະຄອນຊຽງໄຮ້ໃນວັນທີ 24 ພຶດສະພານີ້. ສຳນັກງານສາຂາປະຈຳໃນພາກພື້ນຂອງບໍລິສັດຂ້າມຊາດ 30 ແຫ່ງ ແລະສູນຄົ້ນຄວ້າພັດທະນາ10ແຫ່ງໄດ້ສ້າງຕັ້ງຂຶ້ນຢູ່ນະຄອນຊຽງໄຮ້. ໃນຈຳນວນວິສາຫະກິດ 40 ແຫ່ງນີ້, ມີ 5 ແຫ່ງນອນຢູ່ໃນບັນຊີລາຍຊື່ບໍລິສັດຊັ້ນນຳຂອງໂລກ 500 ແຫ່ງ ເຊິ່ງປະເມີນໂດຍວາລະສານ “ຊັບສິນ” Fortune.
ນະຄອນຊຽງໄຮ້ແມ່ນໜຶ່ງໃນຕົວເມືອງທີ່ມີຄວາມສາມາດດຶງດູດການລົງທຶນຂອງຕ່າງປະເທດຫລາຍທີ່ສຸດໃນຈີນ ກໍຄືໃນໂລກ. ທ່ານຈູ່ອີ ຮອງປະທານຄະນະກຳມະການການຄ້ານະຄອນຊຽງໄຮ້ແນະນຳໃຫ້ຊາບວ່າ: ນັບແຕ່ເດືອນມັງກອນ ຫາ ເດືອນເມສາປີນີ້, ວິສາຫະກິດຕ່າງປະເທດ, ທຶນຕ່າງປະເທດທີ່ໄດ້ທະບຽນການລົງທຶນ ແລະໄດ້ລົງທຶນຕົວຈິງໃນນະຄອນຊຽງໄຮ້ໄດ້ເພີ່ມຂຶ້ນໃນ 3 ເດືອນຕິດຕໍ່ກັນ.
ພາຍໃຕ້ຄວາມພະຍາຍາມຂອງແຕ່ລະພາກສ່ວນ, ຈຳນວນການລົງທຶນຂອງຕ່າງປະເທດໄດ້ບັນລຸເຖິງ 7 ຕື້ 773 ລ້ານໂດລາສະຫະລັດ, ເພີ່ມຂຶ້ນ20,3% ເມື່ອທຽບໃສ່ໄລຍະດຽວກັນຂອງປີກາຍ ແລະໄດ້ເພີ່ມຂຶ້ນ 25,2% ເມື່ອທຽບໃສ່ໄລຍະດຽວກັນຂອງປີ 2019. ສຳນັກງານສາຂາໃນພາກພື້ນຂອງບໍລິສັດຂ້າມຊາດໄດ້ເພີ່ມໃໝ່ 20 ແຫ່ງ, ສູນຄົ້ນຄວ້າພັດທະນາຂອງຕ່າງປະເທດໄດ້ເພີ່ມໃໝ່ 7 ແຫ່ງ, ເຊິ່ງນັບມາຮອດເດືອນເມສາປີນີ້, ຈຳນວນການລົງທຶນທັງໝົດທັງສອງປະເພດດັ່ງກ່າວຕ່າງກໍມີເຖິງ 791ແຫ່ງ ແລະ488ແຫ່ງ.