ຕາມຂ່າວCRI：ວັນທີ 27 ພຶດສະພານີ້, ທ່ານກ່າວເຟີ່ງ, ໂຄສົກກະຊວງການຄ້າຈີນກ່າວຢູ່ນະຄອນຫຼວງປັກກິ່ງວ່າ, ນັບແຕ່ເດືອນມັງກອນຫາເດືອນເມສາປີ 2021 ນີ້, ຍອດມູນຄ່າການຄ້າລະຫ່ວາງຈີນ-ເອີຣົບໄດ້ບັນລຸເຖິງ 250，3 ຕື້ໂດລາສະຫະລັດ, ເພີ່ມຂຶ້ນ 42% ຖ້າທຽບໃສ່ໄລຍະດຽວກັນຂອງປີ 2020 ； ໃນໄລຍະດຽວກັນ, ການລົງທຶນຕົວຈິງຂອງສະຫະພາບເອີຣົບຢູ່ຈີນມີເຖິງ 1，95 ຕື້ໂດລາສະຫະລັດ, ເພີ່ມຂຶ້ນ 12，4%，ສ່ວນການລົງທຶນໂດຍກົງຂອງຈີນຢູ່ສະຫະພາບເອີຣົບມີເຖິງ 1，69 ຕື້ໂດລາສະຫະລັດ, ເພີ່ມຂຶ້ນ 70，8%.
ທ່ານກ່າວເຟີ່ງກ່າວວ່າ, ຈີນແລະເອີຣົບເປັນຄູ່ຮ່ວມມືດ້ານເສດຖະກິດການຄ້າທີ່ສຳຄັນຂອງກັນແລະກັນ, ມີຂົງເຂດການຮ່ວມມືກວ້າງຂວາງ, ການໄປມາຫາສູ່ກັນລະຫວ່າງວິສາຫະກິດມີຄວາມແໜ້ນແຟ້ນ, ໄດ້ກາຍເປັນການສ້າງສະພາບການທີ່ໄດ້ໃຫ້ການເຊື່ອມໂຍງດ້ານຜົນປະໂຫຍດ “ທີ່ຕ່າງຝ່າຍຕ່າງໄດ້ຮັບຜົນປະໂຫຍດ”. ພາຍໃຕ້ສະພາບການຂອງພະຍາດໃນປັດຈຸບັນນີ້, ການຄ້າລະຫວ່າງຈີນ-ເອີຣົບຍັງສືບຕໍ່ເພີ່ມຂຶ້ນຢ່າງຕໍ່ເນື່ອງ, ການລົງທຶນສອງຝ່າຍມີຄວາມໝັ້ນທ່ຽງແລະເພີ່ມຂຶ້ນ, ເຊິ່ງໄດ້ສະແດງໃຫ້ເຫັນເຖິງຄວາມເຂັ້ມແຂງແລະຄວາມມີຊີວິດຊີວາໃນການຮ່ວມມືດ້ານເສດຖະກິດການຄ້າລະຫວ່າງຈີນ-ເອີຣົບ. ສັນຍາການລົງທຶນລະຫວ່າງຈີນ-ເອີຣົບແມ່ນສັນຍາສະບັບໜຶ່ງທີ່ສ້າງຜົນປະໂຫຍດໃຫ້ສອງຝ່າຍ, ມີຜົນດີຕໍ່ຈີນ, ທັງມີຜົນດີຕໍ່ສະຫະພາບເອີຣົບ, ກໍຄືໂລກ.