ວັນທີ 31 ພຶດສະພານີ້, ສະຫະພັນການຈໍລະຈອນແລະການຈັດຊື້ຂອງຈີນ ແລະສູນສຳຫຼວດຂະແໜງການບໍລິການຂອງອົງການສະຖິຕິແຫ່ງຊາດຈີນໄດ້ປເປີດເຜີຍວ່າ, ດັດສະນີຜູ້ຈັດການຝ່າຍຈັດຊື້(ຫຼື PMI)ຂອງອຸດສາຫະກຳການຜະລິດຂອງຈີນໃນເດືອນພຶດສະພາປີນີ້ໄດ້ບັນລຸລະດັບ51%, ໜ້ອຍກວ່າເດືອນຜ່ານມາພຽງແຕ່ 0.1%,ແຕ່ກໍຍັງສາມາດຮັກສາໃຫ້ຢູ່ໃນລະດັບ51% ຫຼືສູງກວ່ານັ້ນເປັນສາມເດືອນລຽນຕິດ,ນີ້ໝາຍຄວາມວ່າ ເສດຖະກິດຈີນສາມາດໄດ້ຮັກສາທ່ວງທ່າການຟື້ນຟູຄືນໃໝ່ໄດ້ຢ່າງໝັ້ນທ່ຽງ.
ວັນທີ28ພຶດສະພານີ້,ອົງການສ່ວຍສາອາກອນແຫ່ງຊາດຈີນຈັດໄດ້ຖະແຫຼງຂ່າວວ່າ, ໃນເດືອນເມສາຜ່ານມາ, ລາຍໄດ້ຈາກການຈຳໜ່າຍຂອງວິສາຫະກິດຈີນສືບຕໍ່ຮັກສາທ່ວງທ່າເພີ່ມຂຶ້ນຢ່າງໝັ້ນທ່ຽງ,ເສດຖະກິດດ້ານອຸດສາຫະກຳສືບຕໍ່ຟື້ນຄືນ,ການບໍລິໂພກແລະການລົງທຶນລ້ວນແຕ່ກ້າວໄປສູ່ທິດທາງທີ່ດີຢ່າງໝັ້ນທ່ຽງ,ເສດຖະກິດແຫ່ງຊາດສືບຕໍ່ຮັກສາທ່ວງທ່າການຂະຫຍາຍຕົວໃນລັກສະນະຟື້ນຄືນຢ່າງໝັ້ນທ່ຽງ.