《ກົດໝາຍວ່າດ້ວຍການປົກປ້ອງເດັກ》ກົດໝາຍສະບັບປັບປຸງໃໝ່ຂອງຈີນ ເລີ່ມປະຕິບັດແຕ່ວັນທີ 1 ເດືອນມິຖຸນາເປັນຕົ້ນໄປ, ໃນນັ້ນ, ມີການສະເໜີຂໍ້ກຳນົດໃໝ່ຕໍ່ຄວາມປອດໄພໃນການສັນຈອນຂອງເດັກນ້ອຍ, ກຳນົດການນຳໃຊ້ຕັ່ງນັ່ງສະເພາະເພື່ອຄວາມປອດໄພຂອງເດັກນ້ອຍໃນລົດກໍຖືກບັນຈຸເຂົ້າໃນກົດໝາຍແຫ່ງຊາດເປັນຄັ້ງທຳອິດ.
ໃນແຂວງຢຸນນານ, ຮອດວັນທີ 1 ເດືອນມິຖຸນາ, ໄດ້ມີສານ 128 ແຫ່ງສ້າງຕັ້ງສານເຍົາວະຊົນ. ສານຢຸນນານສ້າງລະບົບ “ຜູ້ສັງເກດ ແລະ ປົກປ້ອງສິດທິເດັກ” ຢູ່ສານເຍົາວະຊົນ. ສານຈ້າງຜູ້ມີຄວາມຮູ້ດ້ານວິຊາການກ່ຽວຂ້ອງ ຄື: ການສຶກສາ, ສັງຄົມສາດ, ຈິດຕະສາດ ແລະ ຜູ້ມີປະສົບການເຮັດວຽກກ່ຽວຂ້ອງໃຫ້ເປັນຜູ້ສັງເກດ. ຕຸລາການແຕ່ງຕັ້ງຜູ້ສັງເກດເພື່ອດຳເນີນວຽກງານຕ່າງໆເຊັ່ນ: ການສຳຫລວດສັງຄົມ, ການແນະນຳດ້ານຈິດໃຈ ແລະ ອື່ນໆ. ຄຽງຄູ່ກັນນັ້ນຜູ້ສັງເກດສາມາດຂຽນລາຍງານການສຳຫຼວດຕໍ່ສານເພື່ອປະກອບຄຳຄິດເຫັນ ແລະ ໃຫ້ການແນະນຳ.