ວັນທີ 1 ມິຖຸນານີ້ ກະຊວງວັດທະນະທຳແລະທ່ອງທ່ຽວຈີນໄດ້ແຈ້ງໃຫ້ຮູ້ວ່າ,ອີງຕາມແຈ້ງການຂອງກະຊວງວັດທະນະທຳແລະທ່ອງທ່ຽວກ່ຽວກັບການປັບປຸງວຽກງານການກວດສອບແລະອະນຸຍາດໃຫ້ເປີດສະຖານທີ່ບັນເທີງແລະສະຖານທີ່ບໍລິການການນຳໃຊ້ອິນເຕີເນັດ,ໂດຍອະນຸຍາດໃຫ້ນັກລົງທຶນຕ່າງປະເທດສ້າງຕັ້ງສະຖານທີ່ບັນເທີງຢູ່ໃນປະເທດຈີນຕາມກົດໝາຍ,ແລະຍົກເລີກການຈຳກັດອັດຕາສ່ວນຂອງທຶນຕ່າງປະເທດ.
ນັກລົງທຶນຕ່າງປະເທດມີຈຸດປະສົງຢາກປະກອບທຸລະກິດສະຖານທີ່ບັນເທີງ,ຄວນຍື່ນຄຳຮ້ອງເຖິງພາກສ່ວນຄຸ້ມຄອງວັດທະນະທຳແລະທ່ອງທ່ຽວຂັ້ນແຂວງ,ເຊິ່ງເອກະສານຮ້ອງຂໍ,ເງື່ອນໄຂ ແລະຂັ້ນຕອນການເປີດບໍລິການ ແມ່ນເທົ່າກັນກັບນັກລົງທຶນຈີນແຜ່ນດິນໃຫຍ່. ນັກລົງທຶນຂອງເຂດບໍລິຫານພິເສດຮົງກົງແລະມາກາວ ກໍຄືນັກລົງທຶນຂອງເຂດໄຕ້ຫວັນ ທີ່ຢາກລົງທຶນສ້າງຕັ້ງສະຖານທີ່ບັນເທີງຢູ່ແຜ່ນດິນໃຫຍ່ຈີນລ້ວນແຕ່ຕ້ອງປະຕິບັດຕາມຂໍ້ກຳນົດດັ່ງກ່າວ.