ຫວ່າງກ່ອນນີ້ບໍ່ດົນ, ໃນເວລາໃຫ້ສຳພາດຕໍ່ນັກຂ່າວ, ທ່ານຫວາງຫົງຊິ່ນ ຫົວໜ້າສະຖາບັນຄົ້ນຄວ້າການພັດທະນາຮ່ວມຂອງໂລກມະຫາວິທະຍາໄລສ້າງຄູປັກກິ່ງກ່າວວ່າ, ຈີນໃຫ້ຄວາມສຳຄັນຢ່າງສູງຕໍ່ວຽກງານອະນຸລັກຊ້າງອາຊີ. ຄຽງຄູ່ກັບການທີ່ລັດຖະບານຈີນໃຊ້ມາດຕະການທີ່ເຂັ້ມແຂງເພື່ອອະນຸລັກຄວາມຫຼາກຫຼາຍທາງຊີວະນານາພັນ, ພາຍໃຕ້ສະພາບການທີ່ຈຳນວນຊ້າງອາຊີໃນໂລກໄດ້ຫຼຸດໜ້ອຍລົງນັ້ນ, ແຕ່ຈຳນວນຊ້າງອາຊີຢູ່ຈີນໄດ້ເພີ່ມຂຶ້ນເທື່ອລະກ້າວ, ຄືຈາກ ຈຳນວນ146 ໂຕເມື່ອປີ 1976 ເພີ່ມຂຶ້ນເປັນປະມານ 300 ໂຕໃນປະຈຸບັນ, ເຊິ່ງສະແດງໃຫ້ເຫັນເຖິງປະສິດທິຜົນຂອງການສ້າງຄວາມສິວິໄລດ້ານນິເວດ.
ໃນ 13 ປະເທດຢູ່ອາຊີໃຕ້ ແລະ ອາຊີຕາເວັນອອກສຽງໃຕ້ທີ່ມີຊ້າງອາຊີອາໄສຢູ່ນັ້ນ, ຈີນ ແລະລາວໄດ້ສ້າງການພົວພັນແລກປ່ຽນ ແລະຮ່ວມມືທີ່ດີເປັນໄລຍະຍາວນານ ແລະ ລະບຽບການອະນຸລັກຊ້າງຂ້າມຊາດ. ພ້ອມກັນນັ້ນ, ຈີນ ຍັງໄດ້ສ້າງການພົວພັນຮ່ວມມືທີ່ດີກັບກອງທຶນທຳມະຊາດໂລກ, ກອງທຶນສິ່ງແວດລ້ອມໂລກຂອງທະນາຄານໂລກ, ກອງທຶນອະນຸລັກສັດສາກົນ, ທະນາຄານພັດທະນາອາຊີ ແລະອົງການຈັດຕັ້ງອື່ນໆ.