ວັນທີ 7 ເດືອນມິຖຸນາ ປີ 2021, ການສອບເສັງເຂົ້າມະຫາວິທະຍາໄລທົ່ວປະເທດຈີນໄດ້ຈັດຂຶ້ນຢ່າງເປັນທາງການ, ນັກຮຽນ 10,78 ລ້ານຄົນໄດ້ເດີນທາງໄປຫ້ອງສອບເສັງ, ເວລາສອບເສັງເຂົ້າມະຫາວິທະຍາໄລທົ່ວປະເທດຈີນປີ 2021 ແມ່ນແຕ່ວັນທີ 7 ຫາ ວັນທີ 8 ເດືອນມິຖຸນາ. ວິຊາການສອບເສັງລະອຽດມີ ວິຊາພາສາຈີນ, ວິຊາເລກ, ສິລະປະປະສົມ/ວິທະຍາສາດປະສົມ, ພາສາຕ່າງປະເທດ.
ນອກນັ້ນ, ບາງແຂວງ(ເຂດ, ນະຄອນ) ຍ້ອນມີການຈັດຕັ້ງວິຊາສອບເສັງທີ່ແຕກຕ່າງກັນ, ວັນທີ 9 ຫາ ວັນທີ 10 ກໍຈະຈັດຕັ້ງການສອບເສັງບາງວິຊາ.
ອິງຕາມຂໍ້ມູນຂອງກະຊວງສຶກສາທິການ, ປີ 2021 ,ຈຳນວນນັກຮຽນລົງທະບຽນສອບເສັງເຂົ້າມະຫາວິທະຍາໄລມີເຖິງ 10,78 ລ້ານຄົນ, ທຽບໃສ່ປີກາຍນີ້ເພີ່ມຂຶ້ນ 70 ພັນຄົນ. ໃນດ້ານການຈັດຕັ້ງຫ້ອງສອບເສັງ, ປີນີ້, ການຈັດຕັ້ງສະຖານທີ່ສອບເສັງມີຫຼາຍກວ່າ 7200 ຈຸດ, ຫ້ອງສອບເສັງ 4,66 ແສນຫ້ອງ (ໃນນີ້ລວມຫ້ອງສອບເສັງສຳຮອງ 26 ພັນຫ້ອງ), ພະນັກງານທີ່ກ່ຽວຂ້ອງ 1,4 ລ້ານກວ່າຄົນ, ໃນນັ້ນຜູ້ເຝົ້າຫ້ອງສອບເສັງ 9,5 ແສນກວ່າຄົນ. ທ້ອງຖິ່ນຕ່າງໆທົ່ວປະເທດກໍເຮັດວຽກປ້ອງກັນ ແລະ ຄວບຄຸມການລະບາດຂອງພະຍາດໂຄວິດ-19 ເປັນຢ່າງດີ.
ມາຈາກ: ເວັບໄຊຂ່າວສານປະເທດຈີນ