ທ່ານ​ສີ​ຈິ້ນ​ຜິ​ງສຳ​ຫຼວດກວດກາ​ວຽກ​ງານ​ຢູ່​ເມືອງ​ກ່າງ​ສາ​ກິ່ງ​ແຂວງ​ໄຫ​ເປີ​ຍ

ຕອນ​ບ່າຍ​ວັນ​ທີ 8 ມິຖຸນາ​ນີ້, ທ່ານ​ສີ​ຈິ້ນ​ຜິງ ປະທານ​ປະ​ເທດ​ຈີນ​ໄດ້​ເດີນທາງ​ໄປ​ສຳ​ຫຼວດກວດກາ​ວຽກງານ​ຢູ່​ເມືອງ​ກ່າງ​ສາ​ກິ່ງ​ແຂວງ​ເຜົ່າ​ຕິ​ເບດ​ໄຫ​ເປີຍແຂວງຊິ່ງໄຫ, ຢູ່​ແຫຼ່ງ​ທ່ອງ​ທ່ຽວ​ຊ່ຽນ​ນູ​ວ່ານ​ໜອງ​ຊິ່ງ​ໄຫ ທ່ານໄດ້ຮັບຟັງການ​ລາຍ​ງານກ່ຽວ​ກັບສະພາບການອະນຸລັກສິ່ງແວດລ້ອມ​ນິ​ເວດຢູ່​ສາຍພູ​ຊີ​ລຽນ ​ແລະ ໜອງ​ຊິ່ງ​ໄຫ​, ທັງ​ໄດ້​ສຳ​ຫຼວດກວດ​ເບິ່ງ​ປະສິທິຜົນ​ຂອງວຽກ​ງານການ​ຄຸ້ມ​ຄອງ​ສິ່ງ​ແວດ​ລ້ອມ​ແບບ​ສັງ​ລວມຢູ່​ໜອງ​ຊິ່ງ​ໄຫ ​ແລະ​ ການອະນຸລັກ​ຄວາມຫຼາກ​ຫຼາຍ​ທາງ​ຊີວະ​ນານາ​ພັນ.

ຫຼັງ​ຈາກ​ນັ້ນ, ທ່ານ​ສີ​ຈິ້ນ​ຜິ​ງ​ໄດ້​ເດີນທາງໄປ​ບ້ານ​ໂກ​ໂລ​ຈ້າງ​ກົງ​ມາ​ ຕາ​ແສງ​ຊ່າ​ລິວ​ເຫີ ​ເພື່ອ​ຢ້ຽມຢາມ​ປະຊາຊົນ​ເຜົ່າ​ຕິ​ເບ​ດ, ໃນໂອກາດນີ້ທ່ານໄດ້ຍ່າງເຂົ້າ​ໄປເບິ່ງ​ຄອບຄົວ​ຂອງປະຊາຊົນ​ເຜົ່າ​ຕິ​ເບ​ດ​ເພື່ອ​ຮັບ​ຮູ້​ສະພາບ​ການ​ຜະລິດ ​ແລະ ການ​ດຳລົງ​ຊີວິດ​ຂອງ​ເຂົາ​ເຈົ້າ.