ທ່ານສີຈິ້ນຜິງກ່າວວ່າ: ພວກເຮົາແມ່ນຄອບຄົວດຽວກັນ ແມ່ນອ້າຍເອື້ອຍນ້ອງກັນ ອະນາຄົດຂອງພວກເຮົາຈະດີກວ່າເກົ່າ
ຕອນບ່າຍວັນທີ 8 ມິຖຸນານີ້, ຢູ່ຫົວບ້ານໂກໂລຈ້າງກົງມາ ຕາແສງຊ່າລິວເຫີເມືອງກ່າງສາກິ່ງແຂວງເຜົ່າຕິເບດໄຫເປີຍແຂວງຊິ່ງໄຫ, ທ່ານສີຈິ້ນຜິງໄດ້ກ່າວຕໍ່ພວກຊາວບ້ານທີ່ມາຢືນຫຸ້ມທ່ານດ້ວຍຄວາມກະຕືລືລົ້ນວ່າ: ພວກເຮົາແມ່ນຄອບຄົວດຽວກັນ ແມ່ນອ້າຍເອື້ອຍນ້ອງກັນ. ເມື່ອຮອດປີທີ່ສປຈີນສະຖາປະນາຄົບຮອບ 100 ປີ, ປະຊາຊາດຈີນຈະສາມາດຢືນສະຫງ່າຜ່າເຜີຍຢ່າງເຂັ້ມແຂງກວ່າເກົ່າໃນໂລກ, ປະຊາຊາດຈີນສຍາມັກຄີກັນຢ່າງແໜ້ນແຟ້ນຄືກັບແກ່ນໝາກພິລາ, ຕ້ອງເຊື່ອໝັ້ນວ່າ ອະນາຄົດຈະດີກວ່າເກົ່າແນ່ນອນ.
ທ່ານສີຈິ້ນຜິງພວມສຳຫຼວດກວດກາວຽກງານຢູ່ແຂວງຊິ່ງໄຫ. ບ້ານໂກໂລຈ້າງກົງມາແມ່ນບ້ານຊົນເຜົ່າຕິເບດທີ່ໄດ້ສຸມໃສ່ຂະແໜງການລ້ຽງສັດ, ມີປະຊາກອນ 2400 ກວ່າຄົນ, ປີ 2017 ກໍສາມາດຫຼຸດພົ້ນອອກຈາກຄວາມທຸກຍາກໄດ້ທັງໝົດ. ໃນຊຸມປີມໍ່ໆມານີ້, ໂດຍຜ່ານການພັດທະນາອຸດສາຫະກຳລວມໝູ່ຢ່າງຕັ້ງໜ້າ, ປີ 2020 ບ້ານໂກໂລຈ້າງກົງມາມີລາຍຮັບຈາກການພັດທະນາເສດຖະກິດລວມໝູ່ຫຼາຍກວ່າ 360000 ຢວນ, ລາຍຮັບທີ່ຈັບຈ່າຍໄດ້ສະເລ່ຍຕໍ່ຫົວຄົນຂອງຊາວບ້ານມີເຖິງ 12313 ຢວນ.