ໃນຍາມວັນພັກບຸນຕ່ວນອູ ປີ 2021, ແຂວງຢຸນນານໄດ້ຕ້ອນຮັບນັກທ່ອງທ່ຽວທັງໝົດ 7,966 ລ້ານເທື່ອຄົນ, ບັນລຸລາຍຮັບດ້ານການທ່ອງທ່ຽວ 5,71 ຕື້ຢວນ. ນະຄອນຄຸນໝິງໄດ້ຮັບແຂກທ່ອງທ່ຽວເຖິງ 1,53 ລ້ານເທື່ອຄົນ, ເປັນອັນດັບທີໜຶ່ງໃນແຂວງ.
ໃນຍາມວັນພັກບຸນຕ່ວນອູປີນີ້, ທ້ອງຖິ່ນຕ່າງໆໃນທົ່ວແຂວງໄດ້ຈັດກິດຈະກຳຫຼາຍຊະນິດເພື່ອສະເຫຼີມສະຫຼອງວັນບຸນຕ່ວນອູ, ພ້ອມກັນນັ້ນ, ກໍໄດ້ສຸມໃສ່ການຈັດກິດຈະກຳ “ວັນວັດທະນະທຳ ແລະ ມໍລະດົກທຳມະຊາດ” ຂອງແຂວງຢຸນນານປີ 2021 , ບັນດາກິ່ງແຂວງ ແລະ ເມືອງຈັດກິດຈະກຳສະແດງວັດທະນະທຳຂອງມໍລະດົກວັດທະນະທຳທີ່ບໍ່ເປັນວັດຖຸທີ່ມີຫຼາກຫຼາຍສີສັນ, ຍົກລະດັບຄວາມພໍໃຈຂອງນັກທ່ອງທ່ຽວ.
ນອກນັ້ນ, ໃນຍາມວັນພັກຕ່ວນອູ ຜູ້ຢູ່ອາໄສພາຍໃນແຂວງກວມເອົາກາຍ 70% ຂອງຈຳນວນຜູ້ອອກເດີນທາງ. ພ້ອມກັນນັ້ນ, ການທ່ອງທ່ຽວແບບໄລຍະທາງສັ້ນໃນເຂດອ້ອມຂ້າງໄດ້ຮັບຄວາມມັກຮັກຫຼາຍ, ການຂັບລົດດ້ວຍຕົນເອງເຂົ້າອອກບັນດາກິ່ງແຂວງ ແລະ ເມືອງຂອງແຂວງຢຸນນານມີເຖິງ 4,33 ລ້ານເທື່ອຄັນ.
ມາຈາກ: ສຳນັກຂ່າວຊິນຮວາ
ນັກຂ່າວ: ເຝິງຢີຊານ