ຈີ່ນຈູຢິງ: ເລົ່າເລື່ອງຂອງທ່ານຈຸເຕີຢູ່ຢຸນນານ

ເດືອນຕຸລາ ປີ 2015, ຈີ່ນຈູຢິງ ເຮັດວຽກຢູ່ຫ້ອງການຄົ້ນຄວ້າປະຫວັດສາດຂອງພັກກອມມູນິດຈີນທີ່ເຂດພັນຫຼົງ ນະຄອນຄຸນໝິງ, ໜ້າທີ່ຂອງນາງແມ່ນເຮັດວຽກຄົ້ນຄວ້າກ່ຽວກັບປະຫວັດສາດຂອງພັກກອມມູນິດຈີນ. ຫຼັງອອກບຳນານແລ້ວ ນາງໄດ້ກາຍເປັນນັກບັນຍາຍອາສາສະໝັກຂອງໂຮງຮຽນການທະຫານຢຸນນານ (Yunnan Military Academy ).

ເພື່ອຮັບຮູ້ຂໍ້ມູນ ແລະ ເລື່ອງຂອງນັກສຶກສາປະມານ 9 ພັນຄົນທີ່ເຄີຍມາຮຽນຢູ່ໂຮງຮຽນການທະຫານຢຸນນານແຫ່ງນີ້ໃຫ້ເລິກເຊິ່ງຍິ່ງຂຶ້ນ, ຈິ່ນຈູຢິງ ມັກໄປຊອກຫາຂໍ້ມູນທີ່ບັນດາຫໍເກັບກຳເອກະສານດ້ານປະຫວັດສາດ ແລະ ຫໍສະໝຸດເລື້ອຍໆ.

“ໃນເວລາບັນຍາຍ, ບຸກຄົນ, ສະຖານທີ່, ເລື່ອງ, ກໍຄືຕ້ອງລະອຽດທັງໝົດ ບໍ່ໃຫ້ເກີດມີຄວາມຜິດພາດຫຍັງ.” ຈິ່ນຈູຢິງ ນຳເອົາເລື່ອງປະຫວັດສາດທີ່ຜ່ານການກວດກາຢ່າງຖືກຕ້ອງແລ້ວ ມາປະສົມເຂົ້າໃນການບັນຍາຍ, ບັນຍາຍຢ່າງມ່ວນຊື່ນ ແລະ ໜ້າສົນໃຈ, ດຶງດູດນັກທ່ອງທ່ຽວຫຼາຍຄົນມາຟັງຢ່າງຕັ້ງໃຈ.” ຮອບທີ່ມີຈຳນວນຄົນມາຟັງບັນຍາຍຫຼາຍທີ່ສຸດກາຍ 100 ຄົນ. ເຄີຍມີນັກທ່ອງທ່ຽວຄົນໜຶ່ງມາຈາກແຂວງກວາງໂຈວຍ້ອນຟັງຢ່າງຕັ້ງໃຈ ຈົນເມືອບໍ່ທັນເວລາ.” ການຍອມຮັບຈາກນັກທ່ອງທ່ຽວເປັນກຳລັງແຮງທີ່ຊຸກຍູ້ໃຫ້ຈິ່ນຈູຢິງ ກ້າວໄປຂ້າງໜ້າ.

ທຸກຄັ້ງທີ່ບັນຍາຍ, ຈິ່ນຈູຢິງ ກໍແນະນຳເລື່ອງຂອງ ທ່ານ ຈຸເຕີ ທີ່ຈາກແຂວງເສສວນມາເຂົ້າຮຽນທີ່ຢຸນນານ. ຈິ່ນຈູຢິງ ເວົ້າວ່າ: “ຈິດໃຈຂອງ ທ່ານຈຸເຕີ ມີຄວາມອົດທົນຕໍ່ເງື່ອນໄຂທີ່ລຳບາກ ເຮັດວຽກດຸໝັ່ນ, ຮັກການຮຽນຮູ້, ເປັນສິ່ງທີິ່ໜ້າເຄົາລົບ ແລະ ພວກເຮົາຄວນຮ່ຳຮຽນເອົາ, ຈິດໃຈມູນເຊື້ອນີ້ຕ້ອງສືບທອດຈາກລຸ້ນສູ່ລຸ້ນ.”

ຈິ່ນຈູຢິງ ເວົ້າວ່າ: “ທ່ານຈຸເຕີ ເຄີຍເວົ້າວ່າ, ພາລະກິດຕົ້ນຕໍຂອງຊາວໜຸ່ມແມ່ນການຮ່ຳຮຽນ. ປີນີ້, ຂ້ອຍມີອາຍຸ 62 ປີແລ້ວ, ແຕ່ການຮ່ຳຮຽນເຮັດໃຫ້ຂ້ອຍສາມາດຮັກສາຈິດໃຈຂອງໄວໜຸ່ມ,” ຈິ່ນຈູຢິງ ຍຶດໝັ້ນໃນການໄປຊອກຫາຂໍ້ມູນປະຫວັດສາດທີ່ຫໍສະໝຸດທຸກມື້ຢ່າງເປັນປະຈຳ, ເຂົ້າຮ່ວມບັນຍາຍ ການສິດສອນ 5G ແບບ “ຫໍພິພິທະພັນ + ໂຮງຮຽນ” ຂອງໂຮງຮຽນການທະຫານຢຸນນານຢ່າງຕັ້ງໜ້າ, ຜ່ານການຕໍ່ສາຍກັບພາກສະໜາມ, ບັນຍາຍປະຫວັດສາດຂອງຫໍພິພິທະພັນຢຸນນານໃຫ້ພວກນັກຮຽນທີ່ຢູ່ເຂດພູດອຍ ແລະ ຫ່າງໄກສອກຫຼີກ, ສືບທອດນ້ຳໃຈຮັກຊາດ.

ມາຈາກ: ໜັງສືພິມລາຍວັນຢຸນນານ

ນັກຂ່າວ: ເສິນຢ່ຽນ