ເວລາ 9 ໂມງ 22 ນາທີຂອງວັນທີ 17 ມິຖຸນານີ້, ຈີນໄດ້ສົ່ງຍານອະວະກາດບັນທຸກຄົນ“ເສີນໂຈ່ 12” ພ້ອມນັກບິນອະວະກາດ 3 ຄົນ ຂຶ້ນສູ່ວົງໂຄຈອນຕາມທີ່ໄດ້ກຳນົດໄວ້ຈາກສູນສົ່ງດາວທຽມຈິວຊວນແຂວງກ່ານຊູ້ຈີນຢ່າງສຳເລັດຜົນ. ເຊິ່ງສະແດງໃຫ້ເຫັນວ່າ ໜ້າທີ່ສ້າງສະຖານີອະວະກາດຂອງຈີນໄດ້ຮັບຄວາມຄືບໜ້າອີກບາດກ້າວໜຶ່ງ.
ໜ້າທີ່ການບິນອະວະກາດເທື່ອນີ້ເປັນໜ້າທີ່ຄັ້ງທີ 4 ເຊິ່ງນອນຢູ່ໃນໄລຍະພິສູດເຕັກໂນໂລຊີສຳຄັນຂອງສະຖານີອະວະກາດ, ທັງເປັນໜ້າທີ່ການບິນອະວະກາດບັນທຸກຄົນຄັ້ງທຳອິດໃນໄລຍະການສ້າງສະຖານີອະວະກາດ. ນັກບິນອະວະກາດ 3 ຄົນຈະປະຈຳການຢູ່ວົງໂຄຈອນເປັນເວລາ 3 ເດືອນ, ດຳເນີນວຽກງານຕ່າງໆ, ເຊັ່ນ: ຮັກສາ ແລະ ສ້ອມແປງຢູ່ນອກຍານ, ປ່ຽນອຸປະກອນໃໝ່, ນຳໃຊ້ອຸປະກອນວິທະຍາສາດຢ່າງຖືກຕ້ອງ ແລະອື່ນໆ.