ຍານອະວະກາດບັນທຸກຄົນ “ເຊີນໂຈ່ວ 12” ເຊິ່ງຕໍ່ກັບຫ້ອງແກນກາງທ່ຽນເຮີໄດ້ຢ່າງສຳເລັດຜົນແບບອັດຕະໂນມັດ
ຫ້ອງການໂຄງການການບິນອະວະກາດບັນທຸກຄົນຂອງຈີນແຈ້ງໃຫ້ຮູ້ວ່າ, ພາຍຫຼັງຍານອະວະກາດບັນທຸກຄົນ “ເຊີນໂຈ່ວ 12” ໄດ້ເຂົ້າສູ່ວົງໂຄຈອນແລ້ວກໍ່ໄດ້ກະກຽມເຂົ້າສູ່ວົງໂຄຈອນຕ່ຳສຸດໄດ້ຢ່າງສະດວກ, ເພື່ອເຊື່ອມຕໍ່ກັບຫ້ອງແກນກາງທ່ຽນເຮີດ້ວຍຮູບການເຊື່ອມຕໍ່ແບບອັດຕະໂນມັດແລະວ່ອງໄວໃນ 15 ໂມງ 54 ນາທີຂອງວັນທີ 17 ມິຖຸນານີ້, ຂະບວນການເຊື່ອມຕໍ່ດັ່ງກ່າວໄດ້ໃຊ້ເວລາປະມານ 6 ຊົ່ວໂມງເຄິ່ງ. ນີ້ເປັນຄັ້ງທຳອິດທີ່ຍານອະວະກາດບັນທຸກຄົນເຊື່ອມຕໍ່ກັບຫ້ອງແກນກາງທ່ຽນເຮີພາຍຫຼັງເຂົ້າສູ່ວົງໂຄຈອນແລ້ວ. ຕອນຄ່ຳມື້ດຽວກັນ, ນັກບິນອະວະກາດ 3 ທ່ານໄດ້ເຂົ້າສູ່ຫ້ອງແກນກາງທ່ຽນເຮີຕາມລຳດັບ, ນີ້ເປັນຂີດໝາຍສະແດງໃຫ້ເຫັນວ່າ ຄົນຈີນໄດ້ເຂົ້າສູ່ສະຖານີອະວະກາດຂອງປະເທດຕົນເປັນເທື່ອທຳອິດ.
