ວັນທີ 22 ມິຖຸນານີ້, ທ່ານ ຈ້າວລີ້ຈ່ຽນ ໂຄສົກກະຊວງການຕ່າງປະເທດຈີນໄດ້ຕອບຄຳຖາມຂອງນັກຂ່າວກ່ຽວກັບຄຳປາໄສຮ່ວມຂອງປະເທດເພື່ອນມິດໃນການສະໜັບສະໜູນຈີນຢູ່ກອງປະຊຸມສະພາສິດທິມະນຸດຄັ້ງທີ 47.
ທ່ານ ຈ້າວລີ້ຈ່ຽນ ກ່າວວ່າ: ວັນທີ 22 ມິຖຸນານີ້, ໃນກອງປະຊຸມສະພາສິດທິມະນຸດຄັ້ງທີ 47, ປະເທດເບລາຣູຊີໄດ້ຕາງໜ້າໃຫ້ 65 ປະເທດກ່າວຄຳປາໄສຮ່ວມໂດຍໄດ້ເນັ້ນໜັກໃຫ້ເຄົາລົບອະທິປະໄຕ,ເອກະລາດແລະຜືນແຜ່ນດິນອັນຄົບຖ້ວນຂອງບັນດາປະເທດ,ບໍ່ແຊກແຊງວຽກງານພາຍໃນຂອງປະເທດອະທິປະໄຕເຊິ່ງແມ່ນຫຼັກການພື້ນຖານຂອງການພົວພັນສາກົນ, ວຽກງານຮົງກົງ,ຊິ່ນຈ່ຽງແລະຕິເບດແມ່ນວຽກງານພາຍໃນຂອງຈີນ, ວົງການພາຍນອກບໍ່ຄວນແຊກແຊງ, ທັງມີຈຸດຢືນໃຫ້ເຄົາລົບແລະປະຕິບັດຕາມຈຸດປະສົງແລະຫຼັກການຂອງກົດບັດອົງການສະຫະປະຊາຊາດ,ເຄົາລົບສິດທິຂອງປະຊາຊົນບັນດາປະເທດໃນການເລືອກເສັ້ນທາງການພັດທະນາດ້ານສິດທິມະນຸດຢ່າງເປັນເຈົ້າຕົນເອງຕາມສະພາບແຫ່ງຊາດຂອງເຂົາເຈົ້າ, ຄັດຄ້ານການກະທຳທີ່ຕຳໜິຕິຕຽນຈີນຢ່າງໄຮ້ເຫດຜົນບົນພື້ນຖານເຈດຕະນາທາງການເມືອງແລະຂໍ້ມູນປອມ, ຄັດຄ້ານການແຊກແຊງວຽກງານພາຍໃນຂອງຈີນໃນຂໍ້ອ້າງສິດທິມະນຸດ. ຍັງມີ 6 ປະເທດໃນຄະນະກຳມະການຮ່ວມມືປະເທດອ່າວເປັເຊຍໄດ້ສົ່ງຈົດໝາຍເພື່ອສະໜັບສະໜູນຫຼັກໝັ້ນຂອງຈີນ, ແລະມີອີກ 20 ກວ່າປະເທດກຽມຈະສະໜັບສະໜູນຈີນໂດຍຜ່ານວິທິການກ່າວຄຳປາໄສດ່ຽວແລະວິທິອື່ນໆ.
ທ່ານ ຈ້າວລີ້ຈ່ຽນ ຊີ້ໃຫ້ເຫັນວ່າ: ມີທັງໝົດ 90 ກວ່າປະເທດໄດ້ອອກສຽງຮຽກຮ້ອງຢ່າງເປັນທຳຕໍ່ສະພາສິດທິມະນຸດ, ເຊິ່ງໄດ້ເຜີຍແບໜ້າກາກຈອມປອມຂອງປະເທດຕາເວັນຕົກຈຳນວນໜຶ່ງທີ່ສວຍໃຊ້ບັນຫາສິດທິມະນຸດແຊກແຊງວຽກງານພາຍໃນຂອງປະເທດອື່ນ. ປະເທດຕາເວັນຕົກຈຳນວນໜຶ່ງຈົງໃຈເສກສັນປັ້ນແຕ່ງແລະປ່າວຂ່າວລືທີ່ກ່ຽວຂ້ອງກັບຈີນ, ແຊກແຊງວຽກງານພາຍໃນຂອງຈີນໃນຂໍ້ອ້າງສິດທິມະນຸດ ໂດຍມີຈຸດປະສົງເພື່ອໂຈມຕີແລະສະກັດກັ້ນຈີນ,ສະກັດກັ້ນຂະບວນການພັດທະນາຂອງຈີນ.