ວັນທີ 23 ມິຖຸນານີ້, ທ່ານສີຈີ້ນຜີງ ເລຂາທິການໃຫຍ່ຄະນະກຳມະການສູນກາງພັກກອມມູນິດ, ປະທານປະເທດ, ປະທານຄະນະກຳມະການການທະຫານສູນກາງຈີນໄດ້ເດີນທາງມາຮອດສູນຄວບຄຸມການບິນອະວະກາດປັກກິ່ງ, ເພື່ອສົນທະນາກັບນັກບິນອະວະກາດຂອງຍານອະວະກາດບັນທຸກຄົນ “ເສີນໂຈວ່12”.
ທ່ານສີຈີ້ນຜີງກ່າວວ່າ: ການສ້າງສະຖານີອະວະກາດແມ່ນຂີດໝາຍທີ່ສຳຄັນໃນພາລະກິດການບິນອະວະກາດຂອງຈີນ, ຈະເປັນການປະກອບສ່ວນໃນທາງສ້າງສັນໃຫ້ແກ່ການນຳໃຊ້ອະວະກາດຂອງມວນມະນຸດໃນທາງສັນຕິ, ນັກບິນອະວະກາດຊຸດທຳອິດທີ່ປະຕິບັດໜ້າທີ່ຢູ່ຍານອະວະກາດບັນທຸກຄົນ “ເສີນໂຈວ່12”ແມ່ນຕົວແທນຂອງຜູ້ສູ້ຊົນທີ່ນັບບໍ່ຖ້ວນໃນພາລະກິດການບິນອະວະກາດຂອງຈີນໃນຍຸກໃໝ່. ຫວັງວ່າບັນດານັກບິນອະວະກາດຈະປະສານງານກັນຢ່າງໃກ້ຊິດ, ເຮັດສຳເລັດໜ້າທີ່ໃນໄລຍະຕໍ່ໄປຢ່າງຈົບງາມ.