ວັນທີ 23 ມິຖຸນານີ້, ທ່ານສີຈີ້ນຜິງໄດ້ກ່າວຄຳປາໄສທີ່ເປັນລາຍລັກອັກສອນຕໍ່ກອງປະຊຸມລະດັບສູງກ່ຽວກັບການຮ່ວມມືສາກົນພາກພື້ນອາຊີ-ປາຊິຟິກ “ໜຶ່ງແລວໜຶ່ງເສັ້ນທາງ”.
ທ່ານສີຈີ້ນຜິງກ່າວເນັ້ນໜັກວ່າ, ການທີ່ຂ້າພະເຈົ້າສະເໜີຂໍ້ລິເລິ່ມທີ່ພ້ອມກັນກໍ່ສ້າງ “ໜຶ່ງແລວໜຶ່ງເສັ້ນທາງ”, ກໍ່ເພື່ອສືບທອດເນື້ອໃນຈິດໃຈເສັ້ນທາງສາຍໄໝ, ເກາະແຂນກັນກໍ່ສ້າງເວທີເປີດປະຕູສູ່ພາຍນອກ ແລະ ການຮ່ວມມື, ທັງສະໜອງພະລັງແຮງໃໝ່ໃຫ້ການຮ່ວມມື ແລະ ການພັດທະນາຂອງປະເທດຕ່າງໆ. ເວລາ 8 ປີມານີ້, 140 ປະເທດໄດ້ເຊັນສັນຍາຮ່ວມມືທີ່ພ້ອມກັນກໍ່ສ້າງ “ໜຶ່ງແລ້ວໜຶ່ງເສັ້ນທາງ” ກັບຈີນໂດຍມີຄູ່ຮ່ວມມືນັບມື້ນັບຫຼາຍຂຶ້ນ. ໂດຍຜະເຊີນໜ້າກັບການແຜ່ລະບາດຂອງພະຍາດໂຄວິດ-19 ທີ່ເກີດຂຶ້ນກະທັນຫັນ, ພວກເຮົາໄດ້ຊ່ວຍເຫຼືອເຊິ່ງກັນແລະກັນ, ພ້ອມກັນຜ່ານຜ່າຄວາມຫຍຸ້ງຍາກ,ຊຸກຍູ້ການພ້ອມກັນກໍ່ສ້າງ “ໜຶ່ງແລວໜຶ່ງເສັ້ນທາງ” ໃຫ້ສືບຕໍ່ກ້າວໄປໜ້າ ເຊິ່ງໄດ້ສ້າງຄວາມໝັ້ນໃຈ ແລະ ສ້າງພະລັງແຮງໃຫ້ປະຊາຄົມໂລກ ທັງເປັນການປະກອບສ່ວນອັນສຳຄັນເຂົ້າໃນການຮ່ວມມືຕ້ານກັບພະຍາດໂຄວິດ-19 ແລະ ການຟື້ນຟູເສດຖະກິດຂອງທົ່ວໂລກ.