ເສັ້ນທາງລົດໄຟລະຫວ່າງນະຄອນລາຊາ ຫານະຄອນລິນຈື່ເປີດບໍລິການ
ເສັ້ນທາງລົດໄຟລະຫວ່າງນະຄອນລາຊາ ຫານະຄອນລີນຈື່ເລີ່ມເປີດບໍລິການໃນວັນທີ 25 ມິຖຸນານີ້, ຂະບວນລົດໄຟຄວາມໄວສູງ “ຟູ້ຊີ່ງ”ໄດ້ແລ່ນລົດໄປຕາມພູພຽງຊີ່ງໄຫຕິເບດເປັນຄັ້ງທຳອິດ.
ເສັ້ນທາງລົດໄຟລະຫວ່າງນະຄອນລາຊາ ຫານະຄອນລີນຈື່ເປັນເສັ້ນທາງລົດໄຟທີ່ໃຊ້ໄຟຟ້າຕະຫລອດສາຍເປັນສາຍທຳອິດຢູ່ເຂດຕິເບດ, ມີຄວາມຍາວທັງໝົດ 435,48 ກິໂລແມັດ, ຄວາມໄວຂອງການອອກແບບແມ່ນ 160 ກິໂລແມັດຕໍ່ຊົ່ວໂມງ. ເສັ້ນທາງລົດໄຟດັ່ງກ່າວຕັ້ງຢູ່ຮ່ອມພູຕາເວັນອອກສຽງໃຕ້ເຂດຕິເບດລະຫວ່າງພູຄາງດີຊີ ແລະພູຮີມາໄລຂອງພູພຽງຊີ່ງໄຫຕິເບດ, ເສັ້ນທາງຫລາຍກວ່າ 90%ແມ່ນສູງກວ່າລະດັບສະເລ່ຍຂອງໜ້ານ້ຳທະເລ 3000 ແມັດ, ມີ 16 ຕອນໄດ້ຂ້າມຜ່ານແມ່ນ້ຳຢາລຸງຈັງໂບ.
ການສ້າງເສັ້ນທາງລົດໄຟລະຫວ່າງນະຄອນລາຊາ ຫານະຄອນລີນຈື່ສຳເລັດ ແລະໄດ້ເປີດບໍລິການເປັນການສິ້ນສຸດປະຫວັດສາດທີ່ເຂດພາກຕາເວັນອອກສຽງໃຕ້ຂອງເຂດຕິເບດບໍ່ມີເສັ້ນທາງລົດໄຟ, ໄດ້ບຸກທະລຸຂອດບົກຜ່ອງທາງດ້ານຄົມມະນາຄົມທີ່ມີຢູ່ໃນປັດຈຸບັນທີ່ໄດ້ຮັບຜົນກະທົບຈາກດິນຟ້າອາກາດເທິງພູພຽງ, ທັງໄດ້ປັບປຸງລະບົບຄົມມະນາຄົມ ແລະຂົນສົ່ງໂດຍສັງລວມຂອງພາກພື້ນໃຫ້ສົມບູນກວ່າເກົ່າຕື່ມອີກ.
