ຕົວເລກຕ່າງໆໃນປື້ມປົກຂາວ ຊີ້ໃຫ້ເຫັນ“ພຶດຕິກຳອັນຍິ່ງໃຫຍ່ທີ່ພັກກອມມູນິດຈີນເຄົາລົບ ແລະ ຮັບປະກັນດ້ານສິດທິມະນຸດ”
ຫຼັງຈາກສ.ປ.ຈີນໄດ້ຮັບການສະຖາປະນາຂຶ້ນແລ້ວ, ອາຍຸຍືນສະເລ່ຍທີ່ຄາດໄວ້ຂອງປະຊາຊົນຈີນໄດ້ຍືນຂຶ້ນຈັກປີ?
ອີງຕາມປື້ມປົກຂາວ “ພຶດຕິກຳອັນຍິ່ງໃຫຍ່ທີ່ພັກກອມມູນິດຈີນເຄົາລົບ ແລະ ຮັບປະກັນດ້ານສິດທິມະນຸດ” ທີຫ້ອງການຖະແຫຼງຂ່າວຂອງລັດຖະບານຈີນໄດ້ເຜີຍແຜ່ໃນວັນທີ 24 ມິຖຸນານີ້ສະແດງໃຫ້ເຫັນວ່າ, ອາຍຸຍືນສະເລ່ຍຄາດໄວ້ຂອງປະຊາຊົນຈີນຈາກ 35 ປີໃນປີ 1949 ໄດ້ຍືນຂຶ້ນເປັນ 77,3 ປີໃນປີ 2019. ຕົວເລກດັດຊະນີດ້ານສຸຂະພາບອັນຕົ້ນຕໍຂອງປະຊາຊົນຈີນ ໂດຍລວມແລ້ວ ດີກວ່າລະດັບສະເລ່ຍຂອງປະເທດທີ່ມີລາຍຮັບປານກາງ ແລະ ສູງ.
ເນື້ອທີ່ເຮືອນສະເລ່ຍຂອງປະຊາຊົນຈີນມີເທົ່າໃດ?
ອີງຕາມປື້ມປົກຂາວ “ພຶດຕິກຳອັນຍິ່ງໃຫຍ່ທີ່ພັກກອມມູນິດຈີນເຄົາລົບ ແລະ ຮັບປະກັນດ້ານສິດທິມະນຸດ” ທີຫ້ອງການຖະແຫຼງຂ່າວຂອງລັດຖະບານຈີນໄດ້ເຜີຍແຜ່ໃນວັນທີ 24 ມິຖຸນານີ້ໄດ້ໃຫ້ຮູ້ວ່າ, ເນື້ອທີ່ເຮືອນສະເລ່ຍຂອງປະຊາຊົນໃນຕົວເມືອງ ແລະ ຊົນນະບົດຂອງຈີນຈາກ 6,7 ຕາແມັດ ແລະ 8,1 ຕາແມັດໃນໄລຍະຕົ້ນຂອງການດຳເນີນການປະຕິຮູບ ແລະ ເປີດປະຕູສູ່ພາຍນອກ, ຕ່າງກໍໄດ້ເພີ່ມຂຶ້ນເປັນ 39,8 ຕາແມັດ ແລະ 48,9 ຕາແມັດໃນປີ 2019, ສະເລ່ຍແລ້ວແມ່ນໄດ້ເພີ່ມຂຶ້ນປະມານ 6 ເທົ່າ.
ຫຼັງຈາກສ.ປ.ຈີນໄດ້ຮັບການສະຖາປະນາຂຶ້ນແລ້ວ, ອັດຕາຄົນກືກໜັງສືໄດ້ຫຼຸດລົງເທົ່າໃດ?
ອີງຕາມປື້ມປົກຂາວ “ພຶດຕິກຳອັນຍິ່ງໃຫຍ່ທີ່ພັກກອມມູນິດຈີນເຄົາລົບ ແລະ ຮັບປະກັນດ້ານສິດທິມະນຸດ” ທີຫ້ອງການຖະແຫຼງຂ່າວຂອງລັດຖະບານຈີນໄດ້ເຜີຍແຜ່ໃນວັນທີ 24 ມິຖຸນານີ້ໄດ້ໃຫ້ຮູ້ວ່າ, ໃນເວລາສ.ປ.ຈີນສະຖາປະນາຂຶ້ນມາໃນປີ 1949, ໃນຈຳນວນປະຊາກອນ 540 ລ້ານຄົນທົ່ວປະເທດຈີນ, ມີອັດຕາຄົນກືກໜັງສື (ອັດຕາສ່ວນຂອງປະຊາກອນຜູ້ກືກໜັງສືທີ່ມີອາຍຸສູງກວ່າ 15 ປີ) ສູງເຖິງ 80%.ປີ 2020, ໃນປະຊາກອນ 1,41 ຕື້ຄົນຂອງຈີນ, ອັດຕາສ່ວນຄົນກືກໜັງສືແມ່ນ 2,67%, ອັດຕາສ່ວນໄດ້ຮັບການສຶກສາພາກບັງຄັບ 9 ປີແມ່ນ 95,2%, ລະດັບການສຶກສາພາກບັງຄັບໄດ້ສູງເຖິງລະດັບສະເລ່ຍຂອງປະເທດທີ່ມີລາຍຮັບສູງໃນໂລກ.
ຈີນໄດ້ສົ່ງທະຫານໄປຮັກສາສັນຕິພາບຂອງສ.ປ.ຊເທົ່າໃດຄົນ?
ອີງຕາມປື້ມປົກຂາວ “ພຶດຕິກຳອັນຍິ່ງໃຫຍ່ທີ່ພັກກອມມູນິດຈີນເຄົາລົບ ແລະ ຮັບປະກັນດ້ານສິດທິມະນຸດ” ທີຫ້ອງການຖະແຫຼງຂ່າວຂອງລັດຖະບານຈີນເຜີຍແຜ່ໃນວັນທີ 24 ມິຖຸນານີ້ໄດ້ໃຫ້ຮູ້ວ່າ, ເພື່ອຊຸກຍູ້ການແກ້ໄຂບັນຫາຄວາມຂັດແຍ່ງໂດຍສັນຕິ, ຮັກສາສັນຕິພາບຂອງໂລກ ແລະ ສະຖຽນລະພາບຂອງພາກພື້ນ, ນັບແຕ່ປີ 1990, ທະຫານຈີນເລີ່ມເຂົ້າຮ່ວມການເຄື່ອນໄຫວຮັກສາສັນຕິພາບຂອງອົງການສະຫະປະຊາຊາດຢ່າງເປັນທາງການ. ຈົນຮອດປັດຈຸບັນ, ນັບລວມແລ້ວປະເທດຈີນໄດ້ສົ່ງທະຫານຮັກສາສັນຕິພາບ 4 ໝື່ນກວ່າເທື່ອຄົນໄປປະຈຳການຢູ່ປະເທດຕ່າງໆ ເຊັ່ນ:ຊູດັງ, ລີບັງ, ກຳປູເຈຍ, ລີບີ ແລະ ປະເທດອື່ນໆ, ໄດ້ເຂົ້າຮ່ວມການເຄື່ອນໄຫວຮັກສາສັນຕິພາບຂອງອົງການສະຫະປະຊາຊາດເກືອບ 30 ຄັ້ງ.
ປັດຈຸບັນ, ຈີນເປັນປະເທດທີ່ສົ່ງທະຫານຮັກສາສັນຕິພາບຫຼາຍທີ່ສຸດໃນປະເທດສະມາຊິກຖາວອນຂອງສະພາຄວາມໝັ້ນຄົງອົງການສະຫະປະຊາຊາດ, ທັງແມ່ນປະເທດທີ່ໃຫ້ເງິນອຸດໜູນໃນການຮັກສາສັນຕິພາບຫຼາຍເປັນອັນດັບສອງໃນປະເທດສະມາຊິກອົງການສະຫະປະຊາຊາດ.
ຈີນໄດ້ໃຫ້ການຊ່ວຍເຫຼືອດ້ານພະຍາບານໃຫ້ກັບຈັກປະເທດ?
ອີງຕາມປື້ມປົກຂາວ “ພຶດຕິກຳອັນຍິ່ງໃຫຍ່ທີ່ພັກກອມມູນິດຈີນເຄົາລົບ ແລະ ຮັບປະກັນດ້ານສິດທິມະນຸດ” ທີຫ້ອງການຖະແຫຼງຂ່າວຂອງລັດຖະບານຈີນເຜີຍແຜ່ໃນວັນທີ 24 ມິຖຸນານີ້ໄດ້ສະແດງໃຫ້ເຫັນວ່າ, ນັບແຕ່ຈີນດຳເນີນການຊ່ວຍເຫຼືອຕ່າງປະເທດເປັນເວລາ 70 ປີມານີ້, ໄດ້ໃຫ້ການຊ່ວຍເຫຼືອແກ່ 166 ປະເທດ ແລະ ອົງການສາກົນ, ໄດ້ສົ່ງບຸກຄະບາກອນ 6 ແສນກວ່າຄົນໄປຊ່ວຍເຫຼືອຕ່າງປະເທດ, ໄດ້ໃຫ້ການຊ່ວຍເຫຼືອດ້ານພະຍາບານແກ່ 69 ປະເທດໃນອາຊີ, ອາຟຣິກາ, ອາເມຣິກາລາຕິນແລະເຂດກາລາອິບ ພ້ອມທັງໂອຊີອານີ.
ໃນຂະນະທີ່ສຸມກຳລັງພັດທະນາປະເທດຕົນ ແລະ ລຶບລ້າງຄວາມທຸກຍາກ, ຈີນຍັງໄດ້ດຳເນີນການຮ່ວມມືດ້ານເຕັກນິກ ແລະ ການຮ່ວມມືພັດທະນາຊັບພະຍາກອນມະນຸດ, ໄດ້ສົ່ງໜ່ວຍພະຍາບານ ແລະ ອາສາສະໝັກໄປໃຫ້ການຊ່ວຍເຫຼືອຕ່າງປະເທດ, ໄດ້ໃຫ້ການຊ່ວຍເຫຼືອດ້ານມະນຸດສະທຳສຸກເສີນ ແລະການພັດທະນາແກ່ປະເທດທີ່ພວມພັດທະນາໂດຍບໍ່ມີເງື່ອນໄຂທາງການເມືອງແອບແຝງ, ໄດ້ຊ່ວຍເຫຼືອປະເທດເຫຼົ່ານີ້ໃຫ້ມີຄວາມສາມາດພັດທະນາຕົນເອງເພິ່ມຂຶ້ນ, ສາມາດປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນ ແລະ ສົມບູນກວ່າເກົ່າ, ຊຸກຍູ້ໃຫ້ເສດຖະກິດພັດທະນາ ແລະ ສັງຄົມມີຄວາມກ້າວໜ້າ.