ວັນທີ 28 ມິຖຸນານີ້, ສູນຂ່າວຂອງກິດຈະກຳສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 100 ປີໄດ້ຈັດກອງປະຊຸມຖະແຫຼງຂ່າວ.
ທ່ານ ຫານເຫວີນຊິ້ວ ຮອງຫົວໜ້າຫ້ອງການການເງິນສູນກາງຈີນໄດ້ແຈ້ງໃຫ້ຮູ້ວ່າ: ພາຍໃຕ້ການນຳພາຂອງພັກກອມມູນິດຈີນ, ຜ່ານການສູ້ຊົນຢ່າງລຳບາກນັບແຕ່ສະຖາປະນາສາທາລະນະລັດປະຊາຊົນຈີນຕະຫຼອດໄລຍະ 70 ກວ່າປີມານີ້, ປັດຈຸບັນ, ລາຍຮັບສະເລ່ຍຕໍ່ຫົວຄົນຂອງປະຊາຊົນຈີນມີຫຼາຍກວ່າ 1 ໝື່ນໂດລາສະຫະລັດ, ອາຍຸຍືນສະເລ່ຍທີ່ຄາດໄວ້ໄດ້ຍົກສູງຂຶ້ນເປັນ 77,3 ປີ, ເວລາສະເລ່ຍດ້ານການສຶກສາຂອງປະຊາຊົນທີ່ມີອາຍຸຫຼາຍກວ່າ 15 ປີມີເຖິງ 9,9 ປີ, ອັດຕາການເສຍຊີວິດຂອງເດັກອ່ອນໄດ້ຫຼຸດລົງເຖິງ 5,6 ສ່ວນພັນ. ນັບແຕ່ການປະຕິຮູບແລະເປີດປະຕູສູ່ພາຍນອກເປັນຕົ້ນມາ, ຢູ່ຈີນມີປະຊາກອນຜູ້ທຸກຍາກຢູ່ຊົນນະບົດຈຳນວນ 770 ລ້ານຄົນໄດ້ຫຼຸດພົ້ນອອກຈາກຄວາມທຸກຍາກ, ປະຊາກອນທີ່ໄດ້ຫຼຸດພົ້ນອອກຈາກຄວາມທຸກຍາກຂອງຈີນກວມຫຼາຍກວ່າ 70% ຂອງໂລກ, ບັນຫາຄວາມທຸກຍາກທີ່ໄດ້ສ້າງຄວາມຫຍຸ້ງຍາກໃຫ້ແກ່ຊົນຊາດຈີນມາເປັນເວລາຫຼາຍພັນປີນັ້ນກໍ່ໄດ້ຮັບການແກ້ໄຂທີ່ມີລັກສະນະປະຫວັດສາດ, ສາມາດສ້າງສັງຄົມທີ່ອີ່ມໜຳສຳລານຢ່າງຮອບດ້ານໃຫ້ສຳເລັດຜົນ,ປະຊາຊົນຈີນພວມກ້າວໄປໜ້າໃນການບັນລຸເປົ້າໝາຍສ້າງຄວາມຮັ່ງມີຮ່ວມກັນຢ່າງໜາແໜ້ນ.