ໃນຈຳນວນຜູ້ທີ່ໄດ້ຮັບຫຼຽນໄຊ 1 ກໍລະກົດຈຳນວນທຳອິດມີ 4 ທ່ານເປັນຜູ້ອາວຸໂສທີ່ມີອາຍຸຫຼາຍກວ່າ 100 ປີ
ທ່ານ ລູ້ຢວນຈີວ ເຂົ້າເປັນສະມາຊິກພັກກອມມູນິດຈີນໃນເດືອນທັນວາປີ 1982, ທ່ານເປັນຄົນໄຫຼອ່ານແຂວງອ່ານຮຸ່ຍ,ເປັນທີ່ປຶກສາຄະນະກຳມະການວິທະຍາສາດເຕັກນິກຂອງບໍລິສັດວິທະຍາສາດເຕັກນິກການບິນອາວະກາດຈີນຈຳກັດ, ທັງເປັນບັນດິດຂອງສະພາບັນດິດວິທະຍາສາດຈີນ, ບັນດິດຂອງສະພາບັນດິດວິສະວະກຳຈີນ.
ທ່ານ ໂກ່ຣຸ້ຍສຽງ, ເພດຊາຍ, ເກີດເມື່ອເດືອນທັນວາປີ 1920(ປີນີ້ອາຍຸໄດ້ 101 ປີ), ເຂົ້າເປັນສະມາຊິກພັກໃນເດືອນມີນາປີ 1937, ເປັນຄົນເມືອງເວີ້ຍຊ້ຽນແຂວງເຫີເປີຍ, ເປັນອະດີດຮອງຫົວໜ້າການເມືອງຂອງເຂດທະຫານຍ່ອຍຕູ່ຢຸນແຂວງກຸ້ຍໂຈ່ວ, ແມ່ນນັກຮົບກອງທັບແດງທີ່ຍຶດໝັ້ນອຸດົມການແຕ່ຫົວທີຂອງຕົນຢ່າງໝັ້ນໜຽວບໍ່ປ່ຽນແປງ.
ທ່ານ ຊິ່ນຢີ້ວຫຼິງ, ເພດຊາຍ, ເຜົ່າຮັ້ນ, ເກີດເມື່ອເດືອນກຸມພາປີ 1921(ປີນີ້ອາຍຸໄດ້ 100 ປີ), ເຂົ້າເປັນສະມາຊິກພັກໃນເດືອນກໍລະກົດປີ 1939, ເປັນຄົນເມືອງກ່າວຢາງແຂວງເຫີເປີຍ, ເປັນອະດີດອະທິການບໍດີໂຮງໝໍມິດຕະພາບຈີນ-ຍີ່ປຸ່ນ,ຜູ້ບຸກເບີກແລະຜູ້ກໍ່ຕັ້ງພາລະກິດສັນຍະກຳຊວງເອິກຂອງສາທາລະນະລັດປະຊາຊົນຈີນ.
ທ່ານ ໄຈຕູຢີ່, ເພດຍິງ, ເຜົ່າຮັ້ນ, ເກີດເມື່ອເດືອນພະຈິກປີ 1921(ປີນີ້ອາຍຸໄດ້ 100 ປີ), ເຂົ້າເປັນສະມາຊິກພັກໃນເດືອນສິງຫາປີ 1946, ເປັນຄົນເມືອງຊ່ຽວຊ່ານແຂວງເຈີ້ຈ່ຽງ, ເປັນອະດີດພະນັກງານໃນພະແນກບັນນາທິການຂ່າວຕ່າງປະເທດຂອງສຳນັກຂ່າວສານຊີນຮວາ, ເປັນລູກຫຼານຂອງຜູ້ເສຍສະຫຼະເພື່ອການປະຕິວັດທີ່ສືບທອດຈິດໃຈປະຕິວັດຂອງພັກ.