ວັນທີ 29 ມິຖຸນານີ້, ຄະນະກຳມະການສາທາລະນະສຸກແຫ່ງຊາດຈີນແຈ້ງໃຫ້ຮູ້ວ່າ, ມື້ຜ່ານມາ ຄື,ວັນທີ 28 ມິຖຸນານີ້, 31 ແຂວງ, ເຂດປົກຄອງຕົນເອງ ແລະ ກຳແພງນະຄອນ ພ້ອມທັງກອງກຳລັງການຜະລິດແລະກໍ່ສ້າງຊິນຈ່ຽງໄດ້ລາຍງານໃຫ້ຮູ້ວ່າ: ມີຜູ້ເປັນພະຍາດໂຄວິດ-19 ເພີ່ມໃໝ່ 18 ກໍລະນີ, ທັງໝົດລ້ວນແຕ່ມາຈາກຕ່າງປະເທດ. ຜູ້ຕິດເຊື້ອພະຍາດທີ່ບໍ່ສະແດງອາການເພີ່ມໃໝ່ມີ 30 ກໍລະນີ, ທັງໝົດລ້ວນແຕ່ມາຈາກຕ່າງປະເທດ. ມາຮອດເວລາ 24 ໂມງຂອງວັນທີ 28 ມິຖຸນານີ້, ຜູ້ເປັນພະຍາດໂຄວິດ-19 ຢູ່ຈີນໃນປັດຈຸບັນມີ 459 ກໍລະນີ.ມາຮອດວັນທີ 28 ມິຖຸນານີ້, ແຫ່ງຕ່າງໆຂອງຈີນ ນັບລວມແລ້ວ ໄດ້ສັກວັກຊິນໂຄວິດ-19 ຈຳນວນ 1,206714 ຕື້ຫຼອດ.