ພິທີສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 100 ປີໄດ້ຈັດຂຶ້ນຢ່າງຄຶກຄື້ນ
ວັນທີ 1 ກໍລະກົດນີ້, ພິທີສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 100 ປີໄດ້ຈັດຂຶ້ນຢູ່ສະໜາມຫຼວງທ່ຽນອ່ານເໝິນນະຄອນຫຼວງປັກກິ່ງຢ່າງຄຶກຄື້ນ. ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການການທະຫານສູນກາງຈີນໄດ້ເຂົ້າຮ່ວມພິທີດັ່ງກ່າວແລະກ່າວຄຳປາໄສສຳຄັນ.
ຫຼາຍພາກສ່ວນໄດ້ຂຶ້ນກ່າວຄຳອວຍພອນວັນສ້າງຕັ້ງພັກກອມມູນິດຈີນຄົບຮອບ 100 ປີເຊັ່ນ: ພັກຝ່າຍປະຊາທິປະໄຕຕ່າງໆ, ສະມາຄົມອຸດສາຫະກຳການຄ້າແລະບຸກຄົນທີ່ບໍ່ສັງກັດພັກຝ່າຍໃດ. ຜູ້ຕາງໜາສະມາຊິກຄະນະຊາວໜຸ່ມກອມມູນິດແລະສະມາຊິກກອງເຍົາວະຊົນ, ສະມາຊິກພັກກອມມູນິດຈີນແລະປະຊາຊົນຫຼາຍກວ່າ 7 ໝື່ນຄົນໄດ້ເຂົ້າຮ່ວມໃນພິທີສະເຫຼີມສະຫຼອງດັ່ງກ່າວ.
