ກອງປະຊຸມສຸດຍອດພັກກອມມູນິດຈີນກັບພັກການເມືອງໂລກຈະຈັດຂຶ້ນໃນວັນທີ 6 ກໍລະກົດນີ້ຜ່ານທາງວິດີໂອ.
ວັນທີ 5 ກໍລະກົດນີ້, ທ່ານໂກ່ວເຢ້ໂຈ່ວ ຮອງຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນໄດ້ແຈ້ງໃຫ້ຮູ້ວ່າ: ປັດຈຸບັນ, ໄດ້ມີຜູ້ນຳພັກການເມືອງ ແລະອົງການຈັດຕັ້ງການເມືອງ 500 ກວ່າທ່ານຈາກ 160 ກວ່າປະເທດໄດ້ສະເໜີຊື່ເຂົ້າຮ່ວມກອງປະຊຸມຄັ້ງນີ້ແລ້ວ. ໃນນີ້ ມີຜູ້ນຳພັກການເມືອງຫຼາຍທ່ານ ເຄີຍດຳລົງຕຳແໜ່ງເປັນປະມຸກລັດແລະຫົວໜ້າລັດຖະບານ. ນອກນີ້, ຍັງມີຜູ້ແທນພັກການເມືອງແລະອົງການຈັດຕັ້ງລັດຖະບານໝື່ນກວ່າທ່ານ ກໍໄດ້ສະເໜີຊື່ເພື່ອ ຢາກເຂົ້າຮັບຟັງກອງປະຊຸມຜ່ານທາງວິດີໂອຫຼືດ້ວຍວິທີການຖ່າຍທອດສົດທາງອ໋ອນລາຍ. ເອກອັກຄະລັດຖະທູດຫຼືອຸປະທູດຊົ່ວຄາວຂອງ 100 ກວ່າປະເທດປະຈຳຈີນກໍຈະເຂົ້າຮ່ວມກອງປະຊຸມຢູ່ທີ່ນະຄອນຫຼວງປັກກິ່ງເຊັ່ນກັນ.