ວັນທີ 5 ກໍລະກົດນີ້, ທ່ານຫູຈ້າວໝີງ ໂຄສົກຄະນະພົວພັນຕ່າງປະເທດສູນກາງພັກກອມມູນິດຈີນໄດ້ປະກາດວ່າ: ກອງປະຊຸມສຸດຍອດພັກກອມມູນິດຈີນກັບພັກການເມືອງໂລກຈະຈັດຂຶ້ນໃນວັນທີ 6 ກໍລະກົດນີ້ຜ່ານທາງວິດີໂອ, ທ່ານສີຈິ້ນຜິງ ເລຂາທິການໃຫຍ່ຄະນະກຳມະການສູນກາງພັກກອມມູນິດຈີນ ປະທານປະເທດຈີນຈະກ່າວຄຳປາໄສທີ່ມີຫົວຂໍ້ຫຼັກຕໍ່ກອງປະຊຸມຢູ່ນະຄອນຫຼວງປັກກິ່ງ ເຊິ່ງຫົວຂໍ້ຫຼັກຂອງກອງປະຊຸມຄັ້ງນີ້ແມ່ນ “ການສະແຫວງຫາຄວາມຜາສຸກໃຫ້ແກ່ປະຊາຊົນຄືໜ້າທີ່ຮັບຜິດຊອບຂອງພັກການເມືອງ”, ຜູ້ນຳພັກການເມືອງ ແລະອົງການຈັດຕັ້ງການເມືອງ 500 ກວ່າທ່ານພ້ອມດ້ວຍຜູ້ແທນພັກການເມືອງໝື່ນກວ່າທ່ານຈາກ 160 ກວ່າປະເທດຈະເຂົ້າຮ່ວມກອງປະຊຸມຄັ້ງນີ້.
ກອງປະຊຸມຄັ້ງນີ້ເປັນການເຄື່ອນໄຫວການຕ່າງປະເທດຫຼາຍຝ່າຍທີ່ສຳຄັນ ທີ່ພັກກອມມູນິດຈີນຈັດຂຶ້ນເນື່ອງໃນໂອກາດການສະເຫຼີມສະຫຼອງວັນສ້າງຕັ້ງພັກກອມມູນິດຈີນຄົບຮອບ 100 ປີ ເຊິ່ງມີຈຸດປະສົງເພື່ອຮ່ວມກັບພັກການເມືອງບັນດາປະເທດໃນໂລກເພີ່ມທະວີການແລກປ່ຽນແລະຖອດຖອນບົດຮຽນດ້ານການບໍລິຫານປະເທດ, ຮ່ວມກັນຮັບມືກັບສິ່ງທ້າທາຍຈາກການສະພາບການປ່ຽນແປງ ຂອງໂລກໃນຮອບຮ້ອຍປີແລະການແຜ່ລະບາດຂອງພະຍາດໂຄວິດ-19ໃນສະຕະວັດທີ21, ເພີ່ມທະວີແນວຄວາມຄິດແລະຄວາມສາມາດໃນການສະແຫວງຫາຄວາມຜາສຸກໃຫ້ແກ່ປະຊາຊົນ,ສົ່ງເສີມສັນຕິພາບແລະການພັດທະນາຂອງໂລກ, ຊຸກຍູ້ການສ້າງປະຊາຄົມຮ່ວມຊາຕາກຳຂອງມວນມະນຸດ.